શું તમે જાણો છો પરફ્યુમ લગાવવાની સાચી રીત? દિવસભર સુગંધિત રહેવા માટે અપનાવો આ ટિપ્સ
છેલ્લું અપડેટ : 11 Oct 2025
આખો દિવસ સુગંધિત રહેવું કોને ન ગમે? એટલા માટે લોકો દરરોજ પરફ્યુમ લગાવે છે અને વિવિધ પ્રકારના પરફ્યુમ ટ્રાય કરે છે. પરંતુ થોડા કલાકોમાં જ પરફ્યુમની અસર ઓછી થઈ જાય છે અને સુગંધ પણ જતી રહે છે. તો, લાંબા સમય સુધી સુગંધિત રહેવા માટે પરફ્યુમ કેવી રીતે લગાવવું જોઈએ? ચાલો તમને આ માટે કેટલીક ટિપ્સ આપી દઈએ.
આ રીતે પરફ્યુમ સ્પ્રે કરો
- સ્નાન કર્યા પછી તમારી ત્વચાને સારી રીતે સૂકવી લો.
- પરફ્યુમ સ્પ્રે કરતા પહેલા સુગંધ વિનાનું બોડી લોશન લગાવો.
- તમારી કોણી, કાંડા અને ઘૂંટણના પાછળના ભાગમાં સ્પ્રે કરો.
- તમારી આંગળી વડે તમારા કોલરબોન્સ અને ગરદનના પાછળના ભાગમાં પરફ્યુમ લગાવો.
- તેને તમારા કાન પાછળ અથવા તમારી નાભિની આસપાસ પણ લગાવો.
- થોડા ઈંચ દૂરથી ત્વચા પર પરફ્યુમ સ્પ્રે કરો.
આ રીતે મળશે કુદરતી સુગંધ
તમારી ગરદનના પાછળના ભાગમાં અથવા પીઠ પર પરફ્યુમ સ્પ્રે કરવાથી આખો દિવસ કુદરતી સુગંધ આવશે. આ વિસ્તાર કાપડથી ઢંકાયેલો હોય છે, તેથી દિવસભરની પ્રવૃત્તિઓ પછી પણ સુગંધ રહેશે. જો તમારો સ્પ્રે ખૂબ જ લાઈટ હોય અને ફલોરલ સુગંધવાળો હોય, તો દર થોડા કલાકે ફરીથી તેનો સ્પ્રે કરવાથી તે લાંબા સમય સુધી ટકી રહેશે.
વાળને સારી સુગંધ આપો
તમે તમારા વાળ કોમ્બ કરતા પહેલા તમારા કાંસકા પર પણ પરફ્યુમ સ્પ્રે કરી શકો છો. આ રીતે, તમારા વાળમાં પણ સારી સુગંધ આવશે, પરંતુ સીધા તમારા વાળ પર સ્પ્રે કરવાનું ટાળો.
દર 6-7 કલાકે લગાવો
સુગંધ લાંબા સમય સુધી ટકી રહે તે માટે, દર 6-7 કલાકે તમારા ફરીથી પરફ્યુમ સ્પ્રે કરો. ટચ અપ માટે, તમે ફક્ત તમારા કાંડા અને તમારી ગરદનના પાછળના ભાગમાં પણ સ્પ્રે કરી શકો છો.
પરફ્યુમ લગાવતી વખતે આ ભૂલો ટાળો
પરફ્યુમ લગાવ્યા પછી તરત જ તમારી ત્વચાને ઘસવાથી પરફ્યુમની સુગંધ તમારા શરીરના કુદરતી તેલ સાથે ભળી શકે છે અને તેની સુગંધ બદલી શકે છે. તેથી, સ્પ્રે કર્યા પછી, તમારા પલ્સ પોઈન્ટ પર ત્વચાને હળવા હાથે થપથપાવો.
એક સાથે ખૂબ વધારે પરફ્યુમ સ્પ્રે કરવાથી ક્યારેક સમસ્યા ઉભી થઈ શકે છે. તેથી એક કે બે વારથી વધુ સ્પ્રે ન કરશો. કોઈપણ નવું પરફ્યુમ વાપરતા પહેલા, તેને ઘરે ટ્રાય કરી જુઓ આ પછી જ બહાર જતી વખતે લગાવો.
પરફ્યુમને આ રીતે સ્ટોર કરો
- બાથરૂમના કાઉન્ટર પર તમારા પરફ્યુમને ન રાખો. ત્યાં હાજર ભેજ તેની સુગંધ અને રંગ બદલી શકે છે.
- તમે તેને કબાટ, કેબિનેટ અથવા રેફ્રિજરેટરમાં સ્ટોર કરી શકો છો.
- તમારા પરફ્યુમને સીધા પ્રકાશ અથવા સૂર્યપ્રકાશમાં સ્ટોર ન કરો. આનાથી તે ઝડપથી બગડી શકે છે.
