સ્કેલ્પ અને સ્કિન બંનેની સંભાળ રાખે છે આ 3 તેલ, તમે પણ કરો તેનો ઉપયોગ

સ્કેલ્પની સંભાળ રાખવા માટે પ્રથમ અને સૌથી મહત્ત્વપૂર્ણ પગલું તેલ લગાવવાનું છે અને છેલ્લા કેટલાક વર્ષોમાં, સ્કિનની સંભાળ માટે  પણ ફેસ ઓઈલનો ઉપયોગ કરવામાં આવે છે. આ તેલ માત્ર ડ્રાયનેસ જ નથી દૂર કરતું, પરંતુ પોષક તત્વોને કારણે અન્ય ઘણા ફાયદા પણ આપે છે. સામાન્ય રીતે એવું જોવામાં આવે છે કે આપણે બધા આપણી સ્કિન અને સ્કેલ્પની સંભાળ રાખવા માટે વિવિધ તેલનો ઉપયોગ કરીએ છીએ. પરંતુ શું તમે જાણો છો કે ઘણા એવા તેલ છે જેનો ઉપયોગ સ્કેલ્પ અને સ્કિન બંનેની સંભાળ માટે કરી શકાય છે.

આ પણ વાંચો: શિયાળામાં ફેસ વોશના કારણે ડ્રાય થઈ જાય છે સ્કિન? તો આ વસ્તુઓથી ધોઈ લો ચહેરો

ઘણી વખત તમે આ તેલમાં એસેન્શિયલ ઓઈલ મિક્સ કરીને સ્કેલ્પ અને સ્કિનને વધુ લાભ આપી શકો છો. એક જ પ્રકારના તેલનો ઉપયોગ કરવાથી તમારા ખિસ્સા પર કોઈ વધારાનો બોજ નથી પડતો. તો આજે આ આર્ટીકલમાં અમે તમને આવા જ કેટલાક તેલ વિશે જણાવી રહ્યા છે, જેને તમે તમારી સ્કિન અને સ્કેલ્પ બંને પર લગાવી શકો છો.

કોકોનટ ઓઈલ

કોકોનટ ઓઈલ એક ખૂબ જ ફાયદાકારક તેલ છે, જે સ્કેલ્પ અને સ્કિનની સંભાળ રાખે છે. જો તમારી સ્કિન ખૂબ જ ડ્રાય છે, તો તમે કોકોનટ ઓઈલને તમારા સ્કિન કેર રૂટીનનો એક ભાગ બનાવી શકો છો. તે એન્ટી-માઇક્રોબાયલ છે. જો તમારી સ્કિન ઓઈલી છે તો તે તમારા પોર્સને બંધ કરી શકે છે. સ્કિનની જેમ કોકોનટ ઓઈલ ડ્રાય અથવા ડેન્ડ્રફવાળા સ્કેલ્પ પર પણ લગાવી શકાય છે. તે સ્કેલ્પને હાઇડ્રેટ કરે છે તેમજ ખંજવાળ ઘટાડે છે. તે વાળને મજબૂત બનાવે છે અને તેના વિકાસમાં મદદ કરે છે. તમે તેને સહેજ ગરમ કરીને તમારા માથા પર મસાજ કરી શકો છો.

આર્ગન ઓઈલ

આર્ગન ઓઈલમાં વિટામીન E અને એન્ટી-ઓક્સીડેન્ટ જોવા મળે છે જે તેને ડ્રાય અથવા સેન્સેટીવ સ્કિન માટે બેસ્ટ ઓપ્શન હોઈ શકે છે. આર્ગન તેલ તમારી સ્કિન ઊંડે સુધી હાઇડ્રેટ કરે છે અને કરચલીઓ ઘટાડે છે. જો તમારી સ્કેલ્પ ડ્રાય છે, તો તમે આર્ગન તેલનો ઉપયોગ કરી શકો છો. તે સ્કેલ્પને પોષણ આપે છે તેમજ વાળને યુવી કિરણના નુકસાનથી બચાવે છે.

ટી ટ્રી ઓઈલ

ટી ટ્રી ઓઈલ એક એસેન્શિયલ ઓઈલ છે, જેને તમે તમારા સ્કિન અને હેર કેર રૂટીનમાં સામેલ કરી શકો છો. તેના એન્ટી-બેક્ટેરિયલ, એન્ટિ-ફંગલ અને એન્ટી-ઇન્ફ્લેમેટરી ગુણધર્મોને લીધે, તે બ્રેકઆઉટ્સ અને ડાઘ તેમજ ડેન્ડ્રફ અને ખંજવાળને દૂર કરે છે. તમે તેને કેટલાક અન્ય ઓઈલ સાથે મિક્સ કરીને લગાવી શકો છો.