Homemade Kajal / ન તો આંખો બળશે કે ન તો મેકઅપ બગડશે, આ રીતે ઘરે બનાવો વોટરપ્રૂફ કાજલ
છેલ્લું અપડેટ : 05 Jan 2026
કાજલ તમારા મેકઅપ લુકને કમ્પ્લીટ કરવા માટે મહત્ત્વપૂર્ણ છે. તે ફક્ત તમારી આંખોને સુંદર જ નહીં બનાવે પણ આંખોમાંથી ગંદકી સાફ કરવામાં પણ અસરકારક માનવામાં આવે છે. જોકે, બજારમાં ઉપલબ્ધ મોટાભાગના કાજલમાં રસાયણો હોય છે. તે આંખોને સાફ નથી કરતા, પરંતુ બળતરા અને ખંજવાળ જેવી સમસ્યાઓનું કારણ બને છે. કેટલાક કાજલ થોડા સમયમાં ફેલાઈ જાય છે અને મેકઅપને પણ બગાડે છે. ઘણા લોકો વોટરપ્રૂફ કાજલના નામે મોંઘા પ્રોડક્ટ્સ ખરીદે છે, પરંતુ તેમાં રહેલા કેમિકલ સેન્સેટિવ આંખો માટે હાનિકારક હોઈ શકે છે.
આવી સ્થિતિમાં, શ્રેષ્ઠ અને સલામત રસ્તો એ છે કે ઘરે પર જ કાજલ બનાવો અને તેને લગાવો. જો તમારી આંખો સેન્સેટિવ છે અને તમે કાજલ લગાવવાના પણ શોખિન છો, તો આ લેખ તમારા માટે છે. અમે તમને ઘરે કાજલ બનાવવાની રીત જણાવીશું, જે વોટરપ્રૂફ હશે અને તમારી આંખોને નુકસાન નહીં કરે.
કાજલ કેવી રીતે બનાવવું?
કાજલ બનાવવા માટે પહેલા એક દીવો અથવા સ્ટીલનું નાનું બાઉલ લો. તેમાં શુદ્ધ ઘી અથવા નાળિયેર તેલ રેડો, રૂની વાટ મૂકો, અને તેને પ્રગટાવો. હવે આ દીવા ઉપર એક સ્વચ્છ સ્ટીલની પ્લેટ અથવા વાટકી ઊંધી રાખો જેથી ધુમાડો તેના પર એકઠો થઈ શકે. થોડા સમય પછી પ્લેટ પર જમા થયેલા આ ધુમાડાને સ્વચ્છ ચમચીથી કાઢી લો અને તેમાં શુદ્ધ ઘી અથવા બદામના તેલના 12 ટીપા ઉમેરો અને સારી રીતે મિક્સ કરો. તમારું કુદરતી અને કેમિકલ ફ્રી દેશી કાજલ તૈયાર છે.
કાજલના ફાયદા
કાજલ સંપૂર્ણપણે કુદરતી છે, તેથી આંખોમાં બળતરા, ખંજવાળ કે લાલાશની સમસ્યા નહીં થાય. તેમાં હાજર ઘી અથવા તેલ આંખોને ઠંડક આપે છે અને ભેજ જાળવી રાખે છે. નિયમિત અને યોગ્ય રીતે લગાવવાથી, દેશી કાજલ ડ્રાયનેસ અટકાવે છે અને આંખોનો થાક ઘટાડવામાં મદદ કરી શકે છે.
કાજલ કેવી રીતે લગાવવું?
કાજલ લગાવતા પહેલા તમારા હાથ અને તમારી આંખોની આસપાસના વિસ્તારને સારી રીતે સાફ કરો. સ્વચ્છ કાજલ સ્ટિક, કોટન અથવા આંગળીનો ઉપયોગ કરીને થોડી માત્રામાં કાજલ લો અને તેને આંખોની વોટરલાઈન પર હળવા હાથે લગાવો. વધુ પડતું કાજલ લગાવવાથી તે ફેલાઈ શકે છે, તેથી થોડી માત્રામાં કાજલ લગાવવું શ્રેષ્ઠ છે.
ખાસ નોંધ: આ સામાન્ય માહિતી છે, વ્યક્તિગત સલાહ નથી. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.