Beauty Tips / ઘરે આ રીતે બનાવો અંડર આઈ ક્રીમ, ઓછો થઈ જશે આંખો નીચેનો સોજો અને કરચલીઓ

આંખો નીચે સોજો અને કરચલીઓ એ એજિંગ લક્ષણો છે અને ક્યારેક આ સમસ્યા ઉંમર પહેલા જ શરૂ થઈ જાય છે. આંખોની નીચે અને આસપાસની ત્વચા ખૂબ જ નાજુક અને સંવેદનશીલ હોય છે, પરંતુ મોટાભાગના લોકો તેમના સ્કિન કેર રૂટીનમાં અંડર આઈ ક્રીમ લગાવવાનું ટાળે છે. જ્યારે સમસ્યા ગંભીર બની જાય છે, ત્યારે લોકો મોંઘી ક્રીમનો ઉપયોગ કરવાનું શરૂ કરે છે અને ક્યારેક કોસ્મેટિક સારવાર પણ લે છે. જો તમારી આંખો નીચે સોજો આવી ગયો હોય અને કિનારીઓ આસપાસ કરચલીઓ પડવા લાગી હોય, તો કુદરતી ઘટકો તેને ઘટાડવામાં ખૂબ અસરકારક છે. 

આ પણ વાંચો :

Beauty Tips : ઉનાળામાં પણ ચહેરો ગુલાબી રહેશે, બીટથી બનાવો આ ફેસ માસ્ક

Beauty Tips / ડાર્ક સર્કલથી લઈને બ્લેકહેડ્સ સુધી, ત્વચાની આ સમસ્યાઓથી છુટકારો અપાવશે કોફી

આંખો નીચે સોજો માત્ર વધતી ઉંમરને કારણે જ નહીં, પરંતુ વધુ પડતા તણાવ, ઊંઘના અભાવ, ડિહાઈડ્રેશન અથવા મીઠાના વધુ પડતા સેવનને કારણે પણ થાય છે. જો સમય પહેલા આંખોની આસપાસ કરચલીઓ અને ઝીણી રેખાઓ દેખાવા લાગે, તો તેનું કારણ કેટલીક ખરાબ ટેવો પણ હોઈ શકે છે. આવી સ્થિતિમાં, ચાલો જાણીએ કે આંખોની નીચે સોજા અને કરચલીઓ ઘટાડવામાં અસરકારક ક્રીમ કેવી રીતે બનાવવી.

કાકડી અને ફુદીનો 

ઉનાળાની ઋતુ ચાલી રહી છે, આવી સ્થિતિમાં ફુદીનો અને કાકડી માત્ર આંખો મીચેનો સોજો જ નહીં ઘટાડે પણ ત્વચાને તાજગી પણ આપશે. આ માટે કાકડી અને ફુદીનાનો રસ કાઢો. તેમાં એલોવેરા જેલ મિક્સ કરો અને બદામનું તેલ ઉમેરો. આ બધી વસ્તુઓને સારી રીતે મિક્સ કરો. જ્યારે મિશ્રણ ક્રીમી ટેક્સચર બની જાય, ત્યારે તેને આંખો નીચે અને આસપાસ લગાવો અને ઓછામાં ઓછા 10 મિનિટ સુધી રાખો અને પછી ચહેરો સાફ કરો.

આ પણ વાંચો :

Skin Care Tips / ઉનાળામાં હીટવેવ તમારી ત્વચાને પહોંચાડી શકે છે નુકસાન, આ રીતે રાખો ધ્યાન

Skin Care Tips : ઉનાળામાં ત્વચાને તાજી રાખવા ફોલો કરો આ ટિપ્સ, ગરમીથી મળશે રાહત

એલોવેરા અને વિટામિન ઈ

એક ચમચી એલોવેરા જેલ લો અને તેમાં વિટામિન ઈની એક કેપ્સ્યુલ મિક્સ કરો. આંખો નીચે આ ક્રીમનો લગાવવા ઉપરાંત, તમે તેને નાઈટ ક્રીમની જેમ આખા ચહેરા પર પણ લગાવી શકો છો. આનાથી કરચલીઓ ઓછી થશે અને સોજાથી પણ રાહત મળશે.

ઓલિવ ઓઈલ

ત્રણ ચમચી ઓલિવ ઓઈલ, એક ચમચી આર્ગન ઓઈલ, બે ચમચી શિયા બટર અને 4 ટીપાં બર્ગમોટ ઓઈલ તેમજ 4 ટીપાં ગેરેનિયમ ઓઈલ લો. ધ્યાનમાં રાખો કે માત્રા યોગ્ય હોવી જોઈએ. હવે ડબલ બોઈલરમાં ઓલિવ ઓઈલ, આર્ગન ઓઈલ અને શિયા બટર ગરમ કરો. પછી તે ઠંડુ થયા પછી, તેમાં ગેરેનિયમ અને બર્ગમોટ ઓઈલ મિક્સ કરો. તમારી અંડર આઈ ક્રીમ તૈયાર છે.

ખાસ નોંધ: આ સામાન્ય માહિતી છે, વ્યક્તિગત સલાહ નથી. દરેક વ્યક્તિની જરૂરિયાતો અલગ-અલગ હોય છે. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.