Makeup / બ્રાઈડલ મેકઅપ કરાવતી વખતે ધ્યાનમાં રાખો આ બાબતો, નહીં તો ખાસ દિવસે બગડી જશે લુક
છેલ્લું અપડેટ : 21 Nov 2025
લગ્નનો દિવસ દરેક છોકરીના જીવનનો સૌથી ખાસ દિવસ હોય છે, તેથી તે દિવસે તેનો મેકઅપ એકદમ પરફેક્ટ હોવો જોઈએ. બ્રાઈડલ મેકઅપ ફક્ત ચહેરાની સુંદરતા જ નહીં પરંતુ સમગ્ર બ્રાઈડલ લુકને પણ એક અનોખી ચમક આપે છે. તેમાં નાની ભૂલ પણ ફોટો અને સમગ્ર ઈવેન્ટની સુંદરતાને બગાડી શકે છે.
આવી સ્થિતિમાં દુલ્હનો માટે બ્રાઈડલ મેકઅપ કરાવતી વખતે શું ધ્યાનમાં રાખવું તે જાણવું મહત્ત્વપૂર્ણ છે જેથી તેનો લુક ફ્લોલેસ, ચમકદાર અને કુદરતી દેખાય. આ લેખમાં, અમે તમને બ્રાઈડલ મેકઅપ કરાવતી વખતે ધ્યાનમાં રાખવાની બાબતો જણાવીશું જેથી તમારા લગ્નનો દિવસ કોઈપણ રીતે બગડે નહીં.
ત્વચાનો પ્રકાર ધ્યાનમાં રાખો
બ્રાઈડલ મેકઅપ બુક કરાવતી વખતે, મેકઅપ આર્ટિસ્ટને તમારી ત્વચાના પ્રકાર વિશે સ્પષ્ટપણે જણાવો. ઓઈલી, ડ્રાય અને સેન્સેટિવ, દરેક પ્રકારની ત્વચા માટે મેકઅપ પ્રોડક્ટ્સ અલગ અલગ હોય છે. ખોટા પ્રોડક્ટ્સનો ઉપયોગ કરવાથી મેકઅપ ખરાબ થઈ શકે છે અથવા પેચી દેખાઈ શકે છે. તેથી, ખાતરી કરો કે ફાઉન્ડેશનથી લઈને પ્રાઈમર અને સેટિંગ સ્પ્રે સુધી બધું તમારી ત્વચાના પ્રકાર અનુસાર પસંદ કરવામાં આવે.
લાંબા સમય સુધી ચાલતો મેકઅપ પસંદ કરો
લગ્નનો દિવસ લાંબો હોય છે અને દુલ્હને કલાકો સુધી તેનો મેકઅપ રાખવો પડે છે. તેથી, લાંબા સમય સુધી ચાલતા અને વોટરપ્રૂફ પ્રોડક્ટ્સનો ઉપયોગ કરો. ખાસ કરીને બેઝ મેકઅપ અને આઈ મેકઅપ લાંબા સમય સુધી પરફેક્ટ દેખાવો જોઈએ. આ ખાતરી કરશે કે પરસેવો, પ્રકાશ અથવા સતત હલનચલન છતાં મેકઅપ બગડે નહીં.
લગ્નના દિવસ પહેલા ટ્રાયલ મેકઅપ કરાવો
ઘણી દુલ્હનો ટ્રાયલ વગર તેમના લગ્નના દિવસે સીધો મેકઅપ કરાવે છે, જે લુક બગડવાનું જોખમ વધારે છે. ટ્રાયલ મેકઅપ તમને નક્કી કરવામાં મદદ કરે છે કે કયું ફાઉન્ડેશન યોગ્ય દેખાશે, કઈ હેરસ્ટાઇલ તમને અનુકૂળ આવશે અને કયો લુક તમારા ચહેરા પર કુદરતી દેખાશે. આ લગ્નના દિવસે કોઈપણ મુશ્કેલીને રોકવામાં મદદ કરી શકે છે.
આઈ મેકઅપ પર ખાસ ધ્યાન આપો
આઈ મેકઅપ દુલ્હનના આખા બ્રાઈડલ લુકને વધારે છે. ફોટોગ્રાફી અને વીડિયોગ્રાફીમાં નજર સૌથી પહેલા આંખો પર જાય છેછે. તેથી, એમજ-પ્રૂફ કાજલ, વોટરપ્રૂફ મસ્કરા અને સારી ક્વોલિટીવાળા આઈશેડોનો ઉપયોગ કરો. શિમર અથવા મેટ, બેમાંથી એ જ પસંદ કરો જે તમારા આઉટફિટ અમે થીમ સાથે મેચ થાય.
સ્કિન ટોન અનુસાર લિપશેડ પસંદ કરો
લિપસ્ટિક દુલ્હનના લુકને સંપૂર્ણપણે બદલી શકે છે. ખૂબ જ ડાર્ક શેડ્સ ચહેરાને કઠોર બનાવી શકે છે અને ખૂબ જ લાઈટ શેડ્સ નિસ્તેજ દેખાઈ શકે છે. તેથી, એવો શેડ પસંદ કરો જે તમારા સ્કિન ટોન અને બ્રાઈડલ આઉટફિટને બેલેન્સ કરે - જેમ કે રોઝ પિંક, વાઈન, મરૂન અથવા ન્યુડ પિંક.