રંગોથી ન થઈ જાય ચહેરાને નુકસાન, સેન્સિટિવ સ્કિન ધરાવતા લોકો આ બાબતોનું ધ્યાન રાખો

25 માર્ચના દિવસે રંગોનો તહેવાર છે. મોટા ભાગના લોકોને રંગોથી રમવાનો શોખ હોય છે પરંતુ આ દરમિયાન ત્વચાનું સૌથી વધારે ધ્યાન રાખવું પડતું હોય છે, કારણકે માર્કેટમાં મળતા રંગોમાં ખતરનાક કેમિકલ હોય છે જેના કારણે સ્કિનને નુકસાન થતું હોય છે. તો આજે અમે તમને જણાવીશું કે તમારે કઈ બાબતોનું ધ્યાન રાખવું જોઈએ

એક દિવસ પહેલા સ્કિનને હાઈડ્રેટ કરો
જો તમારી સ્કિન સેસિંટિવ હોય તો ડૉકટરે સૂચવેલા પ્રોડક્ટથી હોળીના એક દિવસ પહેલાથી જ સ્કિનને હાઈડ્રેટ કરો. આ પછી સવારે ઉઠીને ચહેરા પર SPF30 કે SPF50 સનસક્રીન લગાડવાનું ન ભૂલો. તમારી ત્વચા અલ્ટ્રાવાયોલેટ કિરણોની સાથે હાનિકારક રંગોની અસરથી પણ બચશે.

તેલ લગાવો
સનસ્ક્રીન લગાવ્યા પછી, કાં તો તમારા ચહેરા પર પેટ્રોલિયમ જેલીનો જાડો પડ લગાવો અથવા તેના પર ઓલિવ અને નારિયેળ તેલ લગાવો. રંગ સાથે રમતા પહેલા તમારા વાળમાં સારી રીતે તેલ લગાવો.

રંગ કેવી રીતે સાફ કરવો
જો તમારા ચહેરા પર રંગ લાગી ગયો છે, તો તેને વધુ ઘસશો નહીં, તેના બદલે પહેલા તમારા ચહેરાને ફોમ ફેસ વોશથી સાફ કરો અને પછી સારા ક્લીંઝરથી ત્વચાને સાફ કરો. ત્યાર બાદ તેમાં ચણાનો લોટ, હળદર, ચોખાનો લોટ, ગુલાબજળ અને થોડું નારિયેળ તેલ મિક્સ કરીને પેસ્ટ તૈયાર કરો. આ પેસ્ટને ચહેરા પર લગાવો, 15 થી 20 મિનિટ સુધી રહેવા દો અને હળવા હાથે મસાજ કરીને ચહેરો સાફ કરો. જો કે, પહેલા આ પેસ્ટનો પેચ ટેસ્ટ કરો.

આ રીતે પોસ્ટ સ્કિન કેર કરો
રંગ દૂર કર્યા પછી, ચહેરા પર મોઇશ્ચરાઇઝર લગાવો અને જો તમે ફોલ્લીઓની સમસ્યાનો સામનો કરી રહ્યા છો, તો તમે તાજી એલોવેરા જેલ લગાવી શકો છો. હોળી પછી, બે થી ત્રણ દિવસ સુધી તમારા ચહેરા પર કોઈપણ કેમિકલ મેક-અપ પ્રોડક્ટનો ઉપયોગ કરવાનું ટાળો અને ફેશિયલ અથવા બ્લીચ જેવી ટ્રીટમેન્ટ ન કરાવો.