જમ્મુના જનિપુર સ્થિત મંદિરે કાશ્મીરી પ્રવાસીઓએ આસ્થા અને ઉમંગ સાથે ખીર ભવાની મેળા ની ઉજવણી કરી હતી. જ્યેષ્ઠ અષ્ટમીના પવિત્ર અવસરે મોટી સંખ્યામાં ભક્તો માતા ખીર ભવાનીના આશીર્વાદ લેવા માટે એકઠા થયા હતા. આ દિવસ કાશ્મીરી પંડિત સમુદાય માટે વિશેષ ધાર્મિક મહત્વ ધરાવે છે  કારણ કે તેઓ આ દિવસે દેવી ભવાનીને વિશેષ ભક્તિભાવથી અર્પણ કરે છે. મંદિર પરિસરને ફૂલો અને દીવાઓથી સુંદર રીતે શણગારવામાં આવ્યું હતું. ભક્તોએ પરંપરાગત ભજનો ગાઈને અને પૂજા-અર્ચના કરીને વાતાવરણને આધ્યાત્મિક બનાવી દીધું હતું. ખીર ભવાનીનો મેળો એ કાશ્મીરી પંડિતોની સંસ્કૃતિ અને તેમની પરંપરાઓને જીવંત રાખવાનું એક માધ્યમ છે. જમ્મુમાં સ્થાયી થયેલા વિસ્થાપિત પરિવારો માટે આ મેળો તેમના મૂળ સાથે જોડાવાનો એક ભાવનાત્મક અવસર બની રહે છે. ભક્તો માટે વિશેષ પૂજા અને પ્રસાદ વિતરણની વ્યવસ્થા કરવામાં આવી હતી.