VIDEO: RSS @100 પુસ્તકનું દિલ્હીમાં ભવ્ય વિમોચન
છેલ્લું અપડેટ : 18 Jul 2026
સોર્સ : GSTV
નવી દિલ્હીમાં રાષ્ટ્રીય સ્વયંસેવક સંઘના 100 વર્ષના સેવાયજ્ઞ, એકતા અને સમર્પણને સમર્પિત A Century of Service, Unity & Sacrifice પુસ્તકનું ભવ્ય વિમોચન કરવામાં આવ્યું. આ કાર્યક્રમમાં કેન્દ્રીય રક્ષામંત્રી રાજનાથ સિંહ, દિલ્હી વિધાનસભાના અધ્યક્ષ વિજેન્દ્ર ગુપ્તા અને ઉપરાષ્ટ્રપતિ સી. પી. રાધાકૃષ્ણન સહિત અનેક મહાનુભાવો ઉપસ્થિત રહ્યા. શ્યામ જાજુ અને અનુપમ ત્રિવેદી દ્વારા લખાયેલું આ પુસ્તક સંઘની સદીભરની સફર, સામાજિક સેવા અને રાષ્ટ્રનિર્માણમાં તેના યોગદાનને ઉજાગર કરે છે. કાર્યક્રમ દરમિયાન ઉપરાષ્ટ્રપતિ સી. પી. રાધાકૃષ્ણને પોતાના સંબોધનમાં રાષ્ટ્રીય એકતા, સાંસ્કૃતિક મૂલ્યો અને સમાજસેવામાં સંઘની ભૂમિકાનો ઉલ્લેખ કર્યો. કાર્યક્રમમાં મોટી સંખ્યામાં આમંત્રિત મહાનુભાવો, કાર્યકરો અને વિવિધ ક્ષેત્રના પ્રતિનિધિઓ ઉપસ્થિત રહ્યા.
