આગ લાગ્યા પછી સૌથી પહેલા નીચેના માળ પર ધુમાડો ફેલાયો અને પછી ઝડપથી ઉપરની તરફ વધવા લાગ્યો. ઉપરના માળ પર હાજર લોકો અચાનક બનેલી ઘટનાથી ગભરાઈ ગયા. ઘણા લોકો બહાર નીકળવા માટે આમતેમ ભાગવા લાગ્યા. કેટલાક લોકોએ પોતાને રૂમ અને બાથરૂમમાં બંધ કરી દીધા. અંદર ચીસો અને અફરાતફરીનો માહોલ સર્જાયો. તપાસમાં સામે આવ્યું છે કે બિલ્ડિંગમાં આવવા-જવા માટે ફક્ત એક જ રસ્તો હતો. બહાર નીકળવાની સીડી પણ એક જ હતી. ઇમરજન્સીમાં બહાર નીકળવા માટે કોઈ બીજો રસ્તો નહોતો. એટલું જ નહીં, છત પર જવાના રસ્તાનો દરવાજો પણ લોક હતો. આ જ કારણ છે કે આગ અને ધુમાડા વચ્ચે અફરાતફરીમાં ઘણા બાળકો સમયસર બહાર નીકળી શક્યા નહીં.