VIDEO/ હરિદ્વાર : મુશળધાર વરસાદથી 'હર કી પૌડી' ખાતે શ્રદ્ધાળુઓ અટવાયા
છેલ્લું અપડેટ : 03 May 2026
સોર્સ : GSTV
હરિદ્વારમાં આજે હવામાનમાં અચાનક પલટો આવતા વાતાવરણમાં ઠંડક પ્રસરી ગઈ છે. ભારે પવન સાથે શરૂ થયેલા ધોધમાર વરસાદે સમગ્ર શહેરને તરબતર કરી દીધું છે. ગંગા કિનારે આવેલા હર કી પૌડી સહિતના વિસ્તારોમાં વરસાદના કારણે શ્રદ્ધાળુઓએ અહીં-તહીં આશરો લેવો પડ્યો હતો. મુશળધાર વરસાદને કારણે રસ્તાઓ પર પાણી ભરાયેલા જોવા મળી રહ્યા છે. લાંબા સમયના ઉકળાટ અને ગરમી બાદ આ વરસાદ પડતા સ્થાનિક લોકોએ રાહત અનુભવી છે, જોકે નીચાણવાળા વિસ્તારોમાં જળબંબાકારની સ્થિતિ સર્જાઈ છે. હવામાન વિભાગે હજુ પણ આગામી કેટલાક કલાકો સુધી ગાજવીજ સાથે વરસાદની આગાહી કરી છે, જેને પગલે વહીવટી તંત્ર દ્વારા પ્રવાસીઓને ગંગા કિનારે સાવચેતી રાખવા સૂચના આપવામાં આવી છે.
