VIDEO : TNAU ના દેશના પ્રથમ કીટ સંગ્રહાલય માટે વૈશ્વિક ઓનલાઇન ગેટવે શરૂ

તમિલનાડુ એગ્રીકલ્ચરલ યુનિવર્સિટી કોઈમ્બતુર ખાતે આવેલું ભારતનું પ્રથમ અને અનોખું કીટ સંગ્રહાલય હવે વૈશ્વિક સ્તરે ઓનલાઇન ઉપલબ્ધ બનવા જઈ રહ્યું છે. આ સંગ્રહાલયના ડિજિટલ ગેટવે દ્વારા વિશ્વભરના પ્રકૃતિપ્રેમીઓ, વિદ્યાર્થીઓ અને સંશોધકો ઘરે બેઠા જ આ અદભૂત દુનિયાનો અનુભવ કરી શકશે. આ ડિજિટલ પ્લેટફોર્મ પર વર્ચ્યુઅલ 360 ડિગ્રી ટૂર જેવી આધુનિક સુવિધાઓ ઉપલબ્ધ કરવામાં આવી છે, જેના દ્વારા મુલાકાતીઓ સંગ્રહાલયના વિવિધ વિભાગોની મુલાકાત લઈ શકશે. ઉપરાંત, ઓનલાઇન ડેટાબેઝ, ઓગમેન્ટેડ રિયાલિટી દ્વારા કીટકોના 3D મોડલ્સ જોવા અને તેમના વર્ગીકરણ વિશેની માહિતી મેળવવી પણ સરળ બનશે. ઉલ્લેખનીય છે કે 2018માં સ્થપાયેલું આ સંગ્રહાલય 20 000થી વધુ કીટકો અને હજારો પ્રજાતિઓનો વિરાસત સંગ્રહ ધરાવે છે. આ ટેકનોલોજીકલ પહેલથી જીવવિજ્ઞાન અને ખેતીવાડી ક્ષેત્રે સંશોધન કરી રહેલા લોકો માટે જ્ઞાનનો ભંડાર વૈશ્વિક સ્તરે સુલભ બનશે.