VIDEO : પુરીમાં જગન્નાથજીની ભવ્ય સ્નાન યાત્રાનો ઉત્સવ

પુરીના જગન્નાથ મંદિરમાં આજે પૂર્ણિમાના પાવન અવસરે ભગવાન જગન્નાથ, ભાઈ બલભદ્ર અને બહેન સુભદ્રાની ભવ્ય સ્નાન યાત્રા સંપન્ન થઈ હતી. હજારોની સંખ્યામાં ઉમટી પડેલા ભક્તોએ ભગવાનના મનમોહક દર્શન કરીને ધન્યતા અનુભવી હતી. પરંપરા મુજબ, ત્રણેય દેવી-દેવતાઓને ૧૦૮ કળશના સુગંધિત જળથી સ્નાન કરાવવામાં આવ્યું હતું. આ વિધિ બાદ એવી માન્યતા છે કે ભગવાન બીમાર પડે છે, જેના કારણે તેઓ આગામી ૧૫ દિવસ સુધી એકાંતવાસમાં રહેશે. આ ઐતિહાસિક સ્નાન યાત્રાને જોવા માટે દેશભરમાંથી શ્રદ્ધાળુઓનો ભારે ધસારો જોવા મળ્યો હતો. સમગ્ર પુરી નગરી 'જય જગન્નાથ'ના નાદથી ગુંજી ઉઠી હતી.