VIDEO: ઓડિશાનીરાજધાની ભુવનેશ્વરમાં BJDનું ઉગ્ર પ્રદર્શન

ઓડિશાની રાજધાની ભુવનેશ્વરમાં બીજુ જનતા દળની વિવિધ પાંખો દ્વારા મતદાર યાદીમાંથી કથિત રીતે ૯.૮ લાખ મતદારોના નામ કાઢી નાખવાના મુદ્દે ઉગ્ર વિરોધ પ્રદર્શન કરવામાં આવ્યું હતું. બીજેડીના નેતાઓ અને કાર્યકર્તાઓએ આક્ષેપ કર્યો છે કે આટલી મોટી સંખ્યામાં મતદારોના નામ દૂર કરવા એ લોકશાહીના અધિકારોનું ઉલ્લંઘન છે અને આ એક સુવ્યવસ્થિત કાવતરું હોઈ શકે છે. વિરોધ પ્રદર્શન દરમિયાન પક્ષના કાર્યકરોએ સૂત્રોચ્ચાર કરીને ન્યાયની માંગ કરી હતી અને ચૂંટણી પંચ સમક્ષ આ મામલે સ્પષ્ટતા માંગી હતી. બીજેડીનો દાવો છે કે આ નિર્ણયથી હજારો લાયક મતદારો તેમના મતાધિકારથી વંચિત રહી જશે, જે આગામી ચૂંટણી પ્રક્રિયાની નિષ્પક્ષતા સામે પ્રશ્નો ઉભા કરે છે.