VIDEO/ બંગાળમાં અમિત શાહનું 'રૌદ્ર સ્વરૂપ': કોને આપી ઉંધા લટકાવવાની ધમકી? જાણો વિગત

પશ્ચિમ બંગાળ વિધાનસભા ચૂંટણી (West Bengal Assembly Elections) ના પ્રથમ તબક્કામાં થયેલા રેકોર્ડબ્રેક મતદાન (Record Voting) બાદ ભારતીય જનતા પાર્ટી (BJP) માં ભારે ઉત્સાહ જોવા મળી રહ્યો છે. આ દરમિયાન કેન્દ્રીય ગૃહ મંત્રી અમિત શાહ (Amit Shah) એ વિરોધી પક્ષના ગુંડા તત્વોને આક્રમક અંદાજમાં ચેતવણી આપી છે.

'ઉંધા લટકાવીને સીધા કરી દઈશ': શાહનું આક્રમક નિવેદન

ઉત્તર 24 પરગણા જિલ્લાના મધ્યમગ્રામમાં એક ભવ્ય રોડ શો (Roadshow) દરમિયાન અમિત શાહે તૃણમૂલ કોંગ્રેસ (TMC) પર આકરા પ્રહારો કર્યા હતા. તેમણે કહ્યું કે: "પહેલા ફેઝમાં દીદીના ગુંડાઓ ઘરની બહાર નહોતા નીકળ્યા. હું એ ગુંડાઓને કહું છું કે બીજા ફેઝમાં પણ બહાર ન આવતા, નહીંતર 4 મે પછી ઉંધા લટકાવીને સીધા કરી દઈશ." નોંધનીય છે કે 4 મે ના રોજ બંગાળ ચૂંટણીના પરિણામો (Election Results) જાહેર થવાના છે, જેને લઈને શાહે આ સીધી ધમકી આપી છે.

ઘૂસણખોરી અને ભ્રષ્ટાચાર પર પ્રહાર (Infiltration & Corruption)

રોડ શો દરમિયાન પત્રકારો સાથે વાત કરતા અમિત શાહે દાવો કર્યો હતો કે TMC સરકારનું પતન નિશ્ચિત છે. તેમણે ભારપૂર્વક જણાવ્યું કે જો ભાજપ સત્તા પર આવશે તો બંગાળમાં એક પણ ઘૂસણખોર (Infiltrator) ને પ્રવેશવા દેવામાં આવશે નહીં. તેમણે ફેસબુક પર પોસ્ટ કરતા લખ્યું કે, "મધ્યમગ્રામમાં જોવા મળેલો આ ભગવો રંગ બંગાળમાં મહિલાઓ પર થતા અત્યાચાર સામેનો આક્રોશ છે."

આઝાદી પછીનું સૌથી વધુ મતદાન (Highest Voter Turnout)

પશ્ચિમ બંગાળની 294 બેઠકો માટે પ્રથમ તબક્કાનું મતદાન 152 બેઠકો પર યોજાયું હતું. ચૂંટણી પંચ (Election Commission) ના તાજેતરના આંકડા મુજબ:

• 92.72% મતદાન: આ આઝાદી પછી પશ્ચિમ બંગાળમાં નોંધાયેલું સૌથી વધુ મતદાન છે.

• અગાઉ 2011માં સૌથી વધુ 84.72% મતદાન થયું હતું, જેનો રેકોર્ડ આ વખતે તૂટ્યો છે.

બંગાળમાં વધી રહેલું મતદાન ભાજપ અને TMC બંને માટે અસ્તિત્વની લડાઈ સમાન બની ગયું છે. હવે જોવાનું એ રહેશે કે 4 મે ના રોજ જનતા કોના પર કળશ ઢોળે છે.