VIDEO: પ્રયાગરાજમાં UPSC મેન્સ પરીક્ષાનો પ્રારંભ: કડક સુરક્ષા ચેકિંગ હાથ ધરાયું
છેલ્લું અપડેટ : 21 Aug 2026
ઉત્તર પ્રદેશના પ્રયાગરાજ જિલ્લામાં સંઘ લોક સેવા આયોગદ્વારા આયોજિત મુખ્ય પરીક્ષા (Mains Exam) નો આજથી પ્રારંભ થયો છે. પરીક્ષાની નિષ્પક્ષતા અને પારદર્શિતા જાળવી રાખવા માટે તમામ પરીક્ષા કેન્દ્રો પર અત્યંત કડક સુરક્ષા વ્યવસ્થા અને બહુસ્તરીય સ્ક્રીનિંગ પ્રક્રિયા હાથ ધરવામાં આવી છે. કેન્દ્રમાં પ્રવેશતા પહેલાં ઉમેદવારોનું મેટલ ડિટેક્ટર દ્વારા સઘન ચેકિંગ કરવામાં આવ્યું હતું તથા બાયોમેટ્રિક વેરિફિકેશન અને ઓળખપત્રોની તપાસ બાદ જ પ્રવેશ આપવામાં આવ્યો હતો. હોલની અંદર કોઈપણ પ્રકારના ઈલેક્ટ્રોનિક ગેજેટ્સ, મોબાઈલ કે ઘડિયાળ લઈ જવા પર સંપૂર્ણ પ્રતિબંધ મૂકવામાં આવ્યો છે. સમગ્ર પરીક્ષા કેન્દ્રો પર સીસીટીવી કેમેરાથી સતત નજર રાખવામાં આવી રહી છે. કોઈ અશાંતિ ન સર્જાય તે માટે પોલીસ દળ અને ફ્લાઈંગ સ્ક્વોડની ટીમ પણ તૈનાત કરવામાં આવી છે. પ્રશાસનની આ કડક વ્યવસ્થા વચ્ચે શાંતિપૂર્ણ વાતાવરણમાં પરીક્ષા શરૂ થઈ છે.
