VIDEO: કેન્દ્રીય મંત્રી જી. કિશન રેડ્ડીએ સિકંદરાબાદ સંસદીય મતવિસ્તારના વિવિધ વિસ્તારોનું નિરીક્ષણ કર્યું

કેન્દ્રીય કોલસા અને ખાણ મંત્રી જી. કિશન રેડ્ડીએ તેમના સિકંદરાબાદ સંસદીય મતવિસ્તારમાં આવતા વિવિધ વિસ્તારોની મુલાકાત લઈ વ્યાપક નિરીક્ષણ કર્યું હતું. આ પ્રવાસ દરમિયાન તેમણે સ્થાનિક સરકારી હોસ્પિટલો, આંગણવાડી કેન્દ્રો અને ચાલી રહેલા રેલવે આધુનિકીકરણના પ્રોજેક્ટ્સની પ્રત્યક્ષ મુલાકાત લીધી હતી.તેમણે અધિકારીઓ સાથે બેઠક યોજીને નાગરિક સુવિધાઓની સમીક્ષા કરી હતી અને બાંધકામની ધીમી ગતિ અંગે કોન્ટ્રાક્ટરોને કડક ચેતવણી આપી કામ સમયસર પૂર્ણ કરવા આદેશ આપ્યા હતા. મંત્રીશ્રીએ સ્થાનિક રહીશો સાથે પણ સંવાદ સાધ્યો હતો અને વિસ્તારના સંતુલિત વિકાસ માટે કેન્દ્ર સરકારની કટિબદ્ધતા દોહરાવી હતી.