VIDEO: મુંબઈમાં પીએમ મોદીના કાર્યક્રમ પહેલા બે શંકાસ્પદ લોકો ઝડપાયા
છેલ્લું અપડેટ : 09 Sept 2026
સોર્સ : gstv
મુંબઈમાં પીએમ મોદીના કાર્યક્રમ પહેલા જ બે શંકાસ્પદ વ્યક્તિઓની અટકાયત થઈ છે. બાંદ્રા કુર્લા કોમ્પ્લેક્સ પાસે નીતા મુકેશ અંબાણી કલ્ચરલ સેન્ટરથી બે શંકાસ્પદ વ્યક્તિઓની અટકાયત કરવામાં આવી છે. સૂત્રોના મતે, એક શંકાસ્પદ વ્યક્તિએ પોતાની ઓળખ વડાપ્રધાન કાર્યાલયના અધિકારી તરીકે આપી હતી. માહિતી અનુસાર, તપાસ દરમિયાન તેની પાસેથી PMO કાર્યાલયનું નકલી ઓળખપત્ર પણ મળી આવ્યું હતું. જ્યારે તપાસ કરવામાં આવી ત્યારે ઓળખપત્ર નકલી હોવાનું જણાયું હતું. આ સિવાય બીજા શંકાસ્પદ પાસે બંદૂક પણ હતી. સમગ્ર મામલે ક્રાઈમ બ્રાંચ આગળની તપાસ કરી રહી છે. આ બંને શંકાસ્પદો નકલી ઓળખપત્ર અને હથિયાર સાથે આવવાનો શું હેતુ હતો, તેની તપાસ કરવામાં આવી રહી છે.
