VIDEO: બુલંદશહરમાં પોલીસ એન્કાઉન્ટરમાં હત્યાના બે આરોપીઓ ઘાયલ

ઉત્તર પ્રદેશના બુલંદશહરમાં પોલીસ અને ગુનેગારો વચ્ચે થયેલી અથડામણમાં હત્યાના કેસમાં વોન્ટેડ બે આરોપીઓ ગોળી વાગવાથી ઘાયલ થયા બાદ ધરપકડ કરવામાં આવ્યા છે. પોલીસ ટીમ ચેકિંગ કરી રહી હતી તે દરમિયાન શંકાસ્પદ જણાતા બંને બદમાશોને રોકવાનો પ્રયાસ કરાયો હતો, પરંતુ તેમણે પોલીસ ટીમ પર અંધાધૂંધ ગોળીબાર શરૂ કરી દીધો હતો. પોલીસે જવાબી કાર્યવાહી કરતા શૂટઆઉટમાં બંને આરોપીઓના પગમાં ગોળી વાગી હતી, જેના કારણે તેઓ સ્થળ પર જ ઢળી પડ્યા હતા. બંને ઘાયલ બદમાશોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. પોલીસના જણાવ્યા અનુસાર આ આરોપીઓ તાજેતરમાં થયેલી એક હત્યાના બનાવમાં સંડોવાયેલા હતા અને લાંબા સમયથી ફરાર હતા. એમ્યુનિશન અને હથિયારો જપ્ત કરીને પોલીસે આગળની કાનૂની કાર્યવાહી હાથ ધરી છે.