EDની રેડ પડતાં જ દીવાલ કૂદીને ભાગ્યા TMC ધારાસભ્ય, નાળામાં ફોન ફેંક્યો; અંતે ઝડપાયા

EDની રેડ દરમિયાન એક ચોંકાવનારી ઘટના બની છે. પ.બંગાળમાં સ્કૂલોમાં શિક્ષક અને કર્મચારીઓની ભરતીમાં કથિત ગેરરીતિની તપાસ અર્થે દરોડા બાદ સોમવારે સત્તારુઢ તૃણમૂલ કોંગ્રેસ (TMC) ના ધારાસભ્ય જીવનકૃષ્ણ સાહાની ધરપકડ કરી લેવામાં આવી હતી. જોકે સત્તાવાર સૂત્રોએ કહ્યું કે ઈડીના દરોડા વખતે જેવી જ ધારાસભ્યને જાણ થઇ તો તેઓ દીવાલ કૂદીને ભાગવા લાગ્યા હતા. 
 
https://twitter.com/ANI/status/1959880974944047223

શું હતી ઘટના? 

હાલ તો મુર્શિદાબાદ જિલ્લામાં ધારાસભ્યના ઘરે દરોડાની કાર્યવાહી બાદ ઈડીએ તેમની ધરપકડ કરી લીધી છે. સૂત્રોએ જણાવ્યું કે દરોડા વખતે એક દીવાલ કૂદીને ધારાસભ્યએ નાસી જવાનો પ્રયાસ કર્યો હતો. તેમણે ઘરની પાછળ એક નાળામાં પોતાનો ફોન પણ ફેંકી દીધો હતો. જોકે બાદમાં અધિકારીઓએ એ ફોન રિકવર કરી લીધો હતો. 

પીએમએલએ હેઠળ ધારાસભ્યની ધરપકડ 

દરોડા વખતના વીડિયો અને તસવીરોમાં ધારાસભ્ય ભાગતા દેખાય છે જેમાં ઈડી અને સીઆરપીએફના અધિકારીઓે પણ એ જગ્યાએ દેખાઈ રહ્યા છે જ્યાં ચારેબાજુ વૃક્ષો અને ઝાડીઓ છે અને કચરો પડેલો દેખાય છે. હાલમાં પીએમએલએ હેઠળ ઇડીને સહયોગ ન કરવા બદલ ધારાસભ્યની ધરપકડ કરી લેવામાં આવી છે.