VIDEO: બિયાની ગામના બાળકોએ વડાપ્રધાન મોદીને રસ્તાની સુવિધા માટે કરી અપીલ
છેલ્લું અપડેટ : 05 Aug 2026
સોર્સ : gstv
જમ્મુ અને કાશ્મીરના ભદેરવાહ સ્થિત બિયાની ગામના શાળાના બાળકોએ વડાપ્રધાન નરેન્દ્ર મોદીને પત્ર અને વિડીયો સંદેશ દ્વારા પોતાના વિસ્તારમાં પાકા રસ્તાની સુવિધા પૂરી પાડવા કરુણ અપીલ કરી છે. ગામમાં યોગ્ય રસ્તાના અભાવે આ નાના બાળકોને શિક્ષણ મેળવવા માટે દરરોજ ૩ થી ૫ કિલોમીટર જેટલું અંતર પગપાળા કાપીને શાળાએ જવું પડે છે. પહાડી અને દુર્ગમ વિસ્તાર હોવાના કારણે ખાસ કરીને ચોમાસા અને શિયાળાની ઋતુમાં રસ્તો અત્યંત જોખમી બની જાય છે, જેથી બાળકોના અભ્યાસ અને સુરક્ષા પર ગંભીર અસર પડે છે. ગ્રામજનોનું કહેવું છે કે આઝાદીના દાયકાઓ પછી પણ આ વિસ્તાર પાકા રસ્તાથી વંચિત રહેતા લોકોને પાયાની સુવિધાઓ માટે મુશ્કેલી વેઠવી પડે છે. બાળકોએ આશા વ્યક્ત કરી છે કે વડાપ્રધાન તેમની આ સમસ્યાની નોંધ લઈને વહેલી તકે રસ્તાનું નિર્માણ કરાવશે.
