VIDEO:મકાનમાંથી એક જ પરિવારના ત્રણ સભ્યોના મૃતદેહ મળી આવ્યા

ઉત્તર પ્રદેશના પ્રયાગરાજમાં એક હચમચાવી નાખનારી ઘટના સામે આવી છે. કોતવાલી પોલીસ સ્ટેશનની હદમાં આવેલા સાઉથ મલાકા વિસ્તારના એક મકાનમાંથી એક જ પરિવારના ત્રણ સભ્યોના મૃતદેહ શંકાસ્પદ હાલતમાં મળી આવ્યા છે. આ ઘટનાની જાણ થતાં જ સમગ્ર વિસ્તારમાં ભારે અરેરાટી વ્યાપી ગઈ છે. માહિતી મળતાની સાથે જ કોતવાલી પોલીસનો કાફલો અને ઉચ્ચ અધિકારીઓ તાત્કાલિક ઘટનાસ્થળે પહોંચી ગયા હતા. પોલીસે ત્રણેય મૃતદેહોનો કબજો મેળવીને તેમને પોસ્ટમોર્ટમ માટે હોસ્પિટલ મોકલી આપ્યા છે. પ્રાથમિક દૃષ્ટિએ આ મામલો હત્યાનો છે કે આત્મહત્યાનો, તે અંગે હજુ સુધી કોઈ સ્પષ્ટ કારણ જાણી શકાયું નથી. હાલમાં પોલીસ સ્થાનિક લોકો અને પડોશીઓની પૂછપરછ કરી રહી છે. આ ઉપરાંત ફોરેન્સિક ટીમની મદદથી પુરાવાઓ એકત્ર કરીને ઘટના પાછળના વાસ્તવિક કારણોની સઘન તપાસ હાથ ધરવામાં આવી છે.