VIDEO: રાજસ્થાનમાં ગરમીનો પારો આસમાને; જેસલમેરમાં તાપમાન 46 ડિગ્રીને પાર, તંત્રએ લોકોને ઘરમાં રહેવા કરી અપીલ
છેલ્લું અપડેટ : 09 May 2026
સોર્સ : GSTV
રાજસ્થાનના જેસલમેરમાં કાળઝાળ ગરમીએ માઝા મૂકી છે, જ્યાં તાપમાનનો પારો ૪૬ ડિગ્રી સેલ્સિયસને પાર કરી ગયો હતો. ગોલ્ડન સિટી તરીકે ઓળખાતું જેસલમેર રાજ્યનું સૌથી ગરમ શહેર નોંધાયું હતું , જેના કારણે જનજીવન ખોરવાઈ ગયું હતું. તીવ્ર હીટવેવને કારણે બપોરના સમયે રસ્તાઓ સુમસામ જોવા મળ્યા હતા અને લોકો ઘરમાં રહેવા મજબૂર બન્યા હતા. હવામાન વિભાગના જણાવ્યા અનુસાર, આગામી દિવસોમાં ગરમીનું પ્રમાણ હજુ વધી શકે છે, જેથી પ્રશાસન દ્વારા લોકોને સાવચેત રહેવા અને પૂરતા પ્રમાણમાં પાણી પીવા અપીલ કરવામાં આવી હતી . પશુ-પક્ષીઓ અને પ્રવાસીઓ માટે પણ આ આકરી ગરમી પડકારરૂપ બની રહી છે. જેસલમેરની સાથે બાડમેર અને જોધપુરમાં પણ સૂર્યદેવ આકરા મિજાજમાં જોવા મળ્યો હતો
