VIDEO: શ્રીનગર પોલીસે કરી કડક કાર્યવાહી, કુખ્યાત ડ્રગ પેડલરની ગેરકાયદેસર મિલકતો પર ફેરવાયું બુલડોઝર
છેલ્લું અપડેટ : 05 May 2026
સોર્સ : GSTV
શ્રીનગર પોલીસે નશીલા પદાર્થોના વેપાર વિરુદ્ધ કડક કાર્યવાહી કરતા એક કુખ્યાત ડ્રગ પેડલર દ્વારા બનાવવામાં આવેલા ગેરકાયદેસર બાંધકામને તોડી પાડ્યું છે. જમ્મુ-કાશ્મીર પ્રશાસન અને પોલીસ દ્વારા નશાના સોદાગરોની મિલકતો પર બુલડોઝર ફેરવવાની આ ઝુંબેશ હેઠળ શ્રીનગરમાં આ મોટી કાર્યવાહી કરવામાં આવી હતી.પોલીસ અધિકારીઓના જણાવ્યા અનુસાર, આ મિલકત ડ્રગ્સના કાળા કારોબાર દ્વારા મેળવેલા નાણાંથી બનાવવામાં આવી હતી. આ કાર્યવાહી બાદ પોલીસે અન્ય ગુનેગારોને પણ કડક ચેતવણી આપી છે કે સમાજમાં ઝેર ફેલાવનારા તત્વોને કોઈપણ સંજોગોમાં છોડવામાં આવશે નહીં. પોલીસના આ પગલાથી ડ્રગ માફિયાઓમાં ફફડાટ ફેલાયો છે. સ્થાનિક લોકોએ પોલીસની આ હિંમતભરી કામગીરીને આવકારી છે અને શહેરને નશામુક્ત બનાવવા માટે સહકારની ખાતરી આપી છે. શ્રીનગર પોલીસ હવે અન્ય પેડલરોની મિલકતોની પણ તપાસ કરી રહી છે.
