VIDEO: જમ્મુ-શ્રીનગર હાઈવે પર સુરક્ષા સખત
છેલ્લું અપડેટ : 13 Jul 2026
સોર્સ : gstv
શ્રી અમરનાથજી યાત્રાને ધ્યાનમાં રાખીને જમ્મુ-કાશ્મીરના રામબન જિલ્લામાં જમ્મુ-શ્રીનગર રાષ્ટ્રીય ધોરીમાર્ગ પર સુરક્ષા વ્યવસ્થા અત્યંત કડક કરી દેવામાં આવી છે. બાબા બર્ફાનીના દર્શને જતા શ્રદ્ધાળુઓની સુરક્ષા સુનિશ્ચિત કરવા માટે સમગ્ર હાઈવે પર સેના, સીઆરપીએફ અને સ્થાનિક પોલીસના જવાનો તૈનાત કરવામાં આવ્યા છે. ડ્રોન કેમેરા અને સીસીટીવી દ્વારા દરેક વાહન પર ચાંપતી નજર રાખવામાં આવી રહી છે. સંવેદનશીલ વિસ્તારોમાં ક્વિક રિએક્શન ટીમ પણ તૈનાત છે. સામે આવેલા દ્રશ્યોમાં સુરક્ષા દળો હાઈવે પર સઘન ચેકિંગ અને પેટ્રોલિંગ કરતા જોવા મળી રહ્યા છે. વહીવટીતંત્ર યાત્રા શાંતિપૂર્ણ રીતે સંપન્ન કરાવવા માટે સંપૂર્ણ સજ્જ છે.
