VIDEO: કોલકાતાના ભવાનીપુર વિસ્તારમાં કલમ 144 લાગુ, જાણો શા માટે તંત્રએ તાત્કાલિક અસરે આપ્યા આ આદેશ
છેલ્લું અપડેટ : 01 May 2026
પશ્ચિમ બંગાળની રાજધાની કોલકાતાના ભવાનીપુર વિધાનસભા મતવિસ્તારમાં વહીવટીતંત્ર દ્વારા મહત્વનો સુરક્ષા નિર્ણય લેવાયો હતો. ભવાનીપુરની જાણીતી સખાવત મેમોરિયલ ગર્લ્સ હાઈસ્કૂલની આસપાસના વિસ્તારમાં તાત્કાલિક અસરથી કલમ 144 લાગુ કરી દેવામાં આવી હતી. કોઈપણ અનિચ્છનીય ઘટનાને રોકવા અને કાયદો-વ્યવસ્થા જાળવી રાખવા માટે આ આદેશ આપવામાં આવ્યો હતો. આ વિસ્તારમાં હવે ચાર કે તેથી વધુ વ્યક્તિઓના એકઠા થવા પર પ્રતિબંધ રહેશે.
ચૂંટણીલક્ષી પ્રક્રિયા અથવા અન્ય કોઈ સંવેદનશીલ ગતિવિધિઓને ધ્યાનમાં રાખીને પોલીસ દ્વારા શાળાની આસપાસ ચુસ્ત બેરિકેડિંગ કરવામાં આવ્યું હતું. સ્થાનિક પોલીસ અને વધારાના સુરક્ષા દળોને તૈનાત કરી દેવામાં આવ્યા હતા. જેથી કરીને શાંતિ જળવાઈ રહે. પ્રશાસને નાગરિકોને આ નિયમોનું ચુસ્તપણે પાલન કરવા અને શાંતિ જાળવવામાં સહકાર આપવા અપીલ કરી હતી. નિયમોનું ઉલ્લંઘન કરનાર સામે કડક કાર્યવાહીની ચેતવણી પણ આપવામાં આવી હતી.