VIDEO: તહેવારો પર ઓડિશા ડીજીપીની સુરક્ષા સમીક્ષા
છેલ્લું અપડેટ : 13 Sept 2026
સોર્સ : gstv
ઓડિશાના પોલીસ મહાનિર્દેશક વિનય તોષ મિશ્રાએ આગામી તહેવારોની મોસમ અગાઉ રાજ્યમાં સુરક્ષા વ્યવસ્થા અને અપરાધ નિયંત્રણ અંગે ઉચ્ચ સ્તરીય સમીક્ષા બેઠક યોજી હતી. આ બેઠકમાં ગણેશ પૂજા, દુર્ગા પૂજા, દીવાળી અને બાલીયાત્રા જેવા આગામી તહેવારોને ધ્યાનમાં રાખીને વ્યાપક આગોતરી તૈયારીઓ કરવા પર વિશેષ ભાર મૂકવામાં આવ્યો હતો. ડીજીપીએ સંવેદનશીલ વિસ્તારોમાં પૂરતી પોલીસ ફોર્સ તહેનાત કરવા, ભીડ તથા ટ્રાફિકનું સુચારુ સંચાલન કરવા અને શાંતિ સમિતિની નિયમિત બેઠકો યોજવા સૂચના આપી હતી . સાથે જ, અસામાજિક તત્વો અને સંગઠિત અપરાધીઓ સામે કડક કાર્યવાહી કરવા, સોશિયલ મીડિયા પર અફવાઓ ફેલાવનારાઓ પર સતત નજર રાખવા તથા સાયબર ક્રાઈમ સામે સઘન પગલાં લેવા માટે જિલ્લાના પોલીસ અધિકારીઓને કડક નિર્દેશો આપવામાં આવ્યા હતા
