POK પર RSS વડાનું મોટું નિવેદન, ભારતનું ઘર હોવાની વાત કરી પરત લેવા કર્યો નિર્ધાર

મોહન ભાગવત રવિવારે મધ્યપ્રદેશના સતનામાં સિંધી સમુદાયને સંબોધિત કર્યું હતું. તેમણે કહ્યું હતું કે વર્ષ ૧૯૪૭ ના ભાગલા પછી પાકિસ્તાન જવાને બદલે ભારતમાં સ્થાયી થયા. ભાગવતે કહ્યું, મને ખૂબ આનંદ છે કે ઘણા સિંધી ભાઈઓ અહીં બેઠા છે. તેઓ પાકિસ્તાન ન ગયા. તેઓ અવિભાજિત ભારતમાં આવ્યા, પરંતુ તે ઘર અને આ ઘર અલગ નથી. આખું ભારત એક ઘર છે. પરંતુ કોઈએ આપણા ઘરનો એક ઓરડો છીનવી લીધો છે, જ્યાં અમારા ટેબલ, ખુરશી અને કપડાં રાખવામાં આવ્યા હતા. હવે તે અજાણ્યા લોકોના કબજામાં છે. કાલે તે પાછું લેવું પડશે.

પીઓકેમાં અશાંતિનું કારણ

ભાગવતનું આ નિવેદન કંઈ નવું નથી. તેમણે હંમેશા અખંડ ભારતની વાત કરી છે. હાલ મુઝફ્ફરાબાદ, રાવલકોટ અને દદ્યાલ જેવા વિસ્તારોમાં લોકો રસ્તાઓ પર ઉતરી આવ્યા છે. પાકિસ્તાની સેના સામે પથ્થરમારો, ટીયર ગેસ અને ગોળીબાર થઈ રહ્યા છે. અનેક પોલીસ અધિકારીઓ માર્યા ગયા છે. આ વિરોધ પ્રદર્શનોનું નેતૃત્વ જોઈન્ટ આવામી એક્શન કમિટી (JAAC) કરી રહી છે. PoK માં આ અશાંતિ ભારત માટે એક મોટો સંકેત છે. લોકો પાકિસ્તાનના ખોટા પ્રચારથી કંટાળી ગયા છે કે "કાશ્મીર આપણું છે." સોશિયલ મીડિયા પર વીડિયો વાયરલ થઈ રહ્યા છે

રાજનાથ સિંહે શું કહ્યું?

મોરોક્કોમાં રાજનાથ સિંહે કહ્યું હતું કે પીઓકેના લોકો આપણા છે. એક દિવસ તેઓ કહેશે, 'હું પણ ભારત છું,' અને આપણે તેમના પર હુમલો કરવાની જરૂર નથી. તેઓ પોતાની મેળે પાછા ફરશે.

ભારત સરકારની પ્રતિક્રિયા

ભારત સરકારની પ્રતિક્રિયા પણ મજબૂત રહી છે. વિદેશ મંત્રાલયના પ્રવક્તા રણધીર જયસ્વાલે કહ્યું હતું કે, પાકિસ્તાનનું દમનકારી વલણ અને પીઓકેમાં સંસાધનોની લૂંટ આ વિરોધ પ્રદર્શનોનું મૂળ છે. ભારતે હંમેશા કહ્યું છે કે પીઓકે આપણા દેશનો અભિન્ન ભાગ છે. 1947ના ભાગલા દરમિયાન, પાકિસ્તાને  તેને પચાવી પાડ્યો હતો.