VIDEO: મુંબઈમાં રણદીપ હુડ્ડાએ વોકાથોન ફ્લેગ ઓફ કરી

મુંબઈમાં આવકવેરા દિવસ નિમિત્તે આયોજિત ભવ્ય વોકાથોનને જાણીતા બોલીવુડ અભિનેતા રણદીપ હુડ્ડાએ લીલી ઝંડી બતાવીને ફ્લેગ ઓફ કરી હતી. રાષ્ટ્રના વિકાસમાં કરદાતાઓના અમૂલ્ય યોગદાનની ઉજવણી કરવા અને લોકોમાં સમયસર ટેક્સ ભરવા અંગે જાગૃતિ ફેલાવવા માટે આવકવેરા વિભાગ દ્વારા આ દોડનું વિશેષ આયોજન કરવામાં આવ્યું હતું. આ પ્રસંગે અભિનેતા રણદીપ હુડ્ડાએ ફિટનેસ અને ઈમાનદારીપૂર્વક રાષ્ટ્રનિર્માણમાં સહભાગી થવા પર ભાર મૂક્યો હતો. તેમણે જણાવ્યું કે પ્રત્યેક નાગરિક દ્વારા ચૂકવવામાં આવતો ટેક્સ દેશના ઈન્ફ્રાસ્ટ્રક્ચર અને પ્રગતિ માટે મજબૂત પાયો પૂરો પાડે છે. આ વોકાથોનમાં આવકવેરા વિભાગના ઉચ્ચ અધિકારીઓ, કર્મચારીઓ તેમજ મોટી સંખ્યામાં મુંબઈના રમતપ્રેમી નાગરિકો ઉત્સાહભેર જોડાયા હતા, જેનાથી સમગ્ર વાતાવરણ દેશભક્તિ અને ઉર્જાથી ભરાઈ ગયું હતું.

આ પણ વાંચો :

Chitralok : રણદીપ હુડા : પત્નીએ મને કોચલામાંથી બહાર કાઢ્યો

લોરેન્સ બિશ્નોઈનો નજીકનો સાથી રણદીપ મલિક અમેરિકામાં ઝડપાયો, નાદિર શાહ મર્ડર કેસમાં હતો વોન્ટેડ