VIDEO: દિલ્હીમાં વરસાદથી વાતાવરણ આહલાદક

દેશની રાજધાની દિલ્હી અને તેની આસપાસના રાષ્ટ્રીય રાજધાની ક્ષેત્ર ના વિવિધ ભાગોમાં વિરામ બાદ ફરી એકવાર મુસળધાર વરસાદ શરૂ થતાં લોકોને ગરમી અને અસહ્ય બફારામાંથી મોટી રાહત મળી છે. વાદળછાયા વાતાવરણ વચ્ચે પડેલા વરસાદને કારણે તાપમાનમાં ઘટાડો નોંધાયો છે અને વાતાવરણ આહલાદક બન્યું છે. જોકે, ધોધમાર વરસાદના લીધે દિલ્હીના કેટલાક નીચાણવાળા વિસ્તારો અને મુખ્ય માર્ગો પર પાણી ભરાવાની સમસ્યા સર્જાઈ હતી, જેના કારણે સવારના સમયે વાહનોની ઝડપ ધીમી પડી જતાં વાહનચાલકોને ટ્રાફિક જામનો સામનો કરવો પડ્યો હતો. હવામાન વિભાગના જણાવ્યા અનુસાર, આગામી થોડા દિવસો સુધી દિલ્હી-એનસીઆરમાં હળવાથી મધ્યમ વરસાદની સંભાવના છે. તંત્ર દ્વારા જળભરાવ વાળા વિસ્તારોમાંથી પાણીના ઝડપી નિકાલ માટેની કામગીરી હાથ ધરવામાં આવી છે.