VIDEO: પુણેમાં રાહુલ ગાંધીનો છાત્ર સંવાદ
છેલ્લું અપડેટ : 22 Aug 2026
સોર્સ : gstv
કોંગ્રેસ નેતા રાહુલ ગાંધી આજે મહારાષ્ટ્રના પુણે શહેરની મુલાકાતે છે, જ્યાં તેઓ 'છાત્રોં કી ગુંજ' નામના વિશેષ કાર્યક્રમ હેઠળ વિદ્યાર્થીઓ અને યુવાનો સાથે સીધો સંવાદ સાધશે. આ કાર્યક્રમ માટે આયોજન સ્થળ પર વિશાળ ડોમ અને સ્ટેજ તૈયાર કરવામાં આવ્યા છે, જ્યાં હજારોની સંખ્યામાં વિદ્યાર્થીઓ એકઠા થયા છે. આ ઈવેન્ટ દરમિયાન રાહુલ ગાંધી દેશના વર્તમાન શૈક્ષણિક મુદ્દાઓ, રોજગારીની તકો અને યુવાનોને નડતી વિવિધ સમસ્યાઓ પર ચર્ચા કરશે. વિઝ્યુઅલ્સમાં કાર્યક્રમ સ્થળે ભારે ઉત્સાહનો માહોલ જોવા મળી રહ્યો છે અને મોટી સંખ્યામાં યુવાનો તેમના વિચારો રજૂ કરવા આતુર દેખાઈ રહ્યા છે. સુરક્ષા અને વ્યવસ્થાની દ્રષ્ટિએ સ્થાનિક પોલીસ દ્વારા સ્થળ પર ચુસ્ત બંદોબસ્ત ગોઠવવામાં આવ્યો છે જેથી કાર્યક્રમ શાંતિપૂર્ણ રીતે સંપન્ન થઈ શકે.
