VIDEO: પુરીમાં રથયાત્રાની તૈયારી: 'બડદાંડ' ભવ્ય રોશનીથી ઝળહળ્યું

ઓડિશાના પવિત્ર યાત્રાધામ પુરીમાં વિશ્વપ્રસિદ્ધ જગન્નાથ રથયાત્રા મહોત્સવને લઈને ભારે ઉત્સાહનો માહોલ છે, જેના ભાગરૂપે મુખ્ય માર્ગ બડદાંડ ને અદ્ભુત રીતે શણગારવામાં આવ્યો છે. મહાપ્રભુ જગન્નાથ, બહેન સુભદ્રા અને ભાઈ બલભદ્રના ભવ્ય રથો જે માર્ગ પરથી પસાર થવાના છે, તે આખા રસ્તાને રંગબેરંગી રોશની, સુંદર ફૂલો અને આકર્ષક રંગોળીઓથી સજાવવામાં આવ્યો છે. લાખો શ્રદ્ધાળુઓ આ આધ્યાત્મિક ક્ષણના સાક્ષી બનવા પુરી પહોંચી રહ્યા હોવાથી વહીવટી તંત્ર દ્વારા સુરક્ષા, પીવાના પાણી અને ભીડ નિયંત્રણની ચુસ્ત વ્યવસ્થા કરવામાં આવી છે. ભક્તિમય સંગીત અને શંખનાદથી સમગ્ર પુરી નગરી ગુંજી ઉઠી છે. આ પવિત્ર તહેવારને ભવ્ય અને સુરક્ષિત રીતે ઉજવવા માટે સ્થાનિક સેવાભાવી સંસ્થાઓ અને પોલીસ પ્રશાસન ખડેપગે તૈનાત છે.