VIDEO: થૂથુકુડીમાં ચોમાસા પૂર્વે મીઠાનું ઉત્પાદન પૂરજોશમાં
છેલ્લું અપડેટ : 03 Aug 2026
તમિલનાડુના દરિયાકાંઠાના શહેર થૂથુકુડી માં આગામી ચોમાસાની શરૂઆત પહેલાં મીઠાનું ઉત્પાદન અત્યારે પૂરજોશમાં ચાલી રહ્યું છે. દેશમાં ગુજરાત પછી મીઠાના ઉત્પાદનમાં બીજું સૌથી મોટું સ્થાન ધરાવતા આ વિસ્તારમાં મીઠાના અગરો પર શ્રમિકો દિવસ-રાત પરિશ્રમ કરી રહ્યા છે. વરસાદ શરૂ થતાં જ મીઠાનું ઉત્પાદન સંપૂર્ણપણે બંધ થઈ જતું હોવાથી, મીઠાના વેપારીઓ અને શ્રમિકો ચોમાસું બેસે તે પહેલાં શક્ય તેટલો વધુ સ્ટોક તૈયાર કરી લેવાના ભગીરથ પ્રયાસો કરી રહ્યા છે. આ વર્ષે સાનુકૂળ હવામાન અને સૂર્યપ્રકાશને કારણે ઉત્પાદન સારું થવાની આશા છે. અહીંથી ઉત્પાદિત થતું મીઠું સ્થાનિક વપરાશ ઉપરાંત દેશના વિવિધ ભાગોમાં અને વિદેશોમાં પણ નિકાસ કરવામાં આવે છે. શ્રમિકો માટે આ સમયગાળો કમાણી માટે ખૂબ જ મહત્વપૂર્ણ માનવામાં આવે છે. ચોમાસામાં વરસાદને કારણે મીઠું ધોવાઈ ન જાય તે માટે તેને સુરક્ષિત સ્થળે ગોડાઉનમાં એકઠું કરવામાં આવી રહ્યું છે.
