VIDEO: મથુરામાં પોલીસ એન્કાઉન્ટર, ત્રણની ધરપકડ
છેલ્લું અપડેટ : 19 Jul 2026
ઉત્તર પ્રદેશના મથુરામાં એક સનસનાટીભર્યા લૂંટ અને હત્યાના કેસમાં પોલીસ અને બદમાશો વચ્ચે ભીષણ એન્કાઉન્ટર થયું છે. મથુરા પોલીસ દ્વારા રાત્રિ દરમિયાન હાથ ધરાયેલા આ ઓપરેશનમાં ત્રણ રીઢા ગુનેગારોની ધરપકડ કરવામાં આવી છે. સામસામે થયેલા ગોળીબાર દરમિયાન બે બદમાશો પગમાં ગોળી વાગવાથી ઘાયલ થયા હતા, જેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. સદરના સર્કલ ઓફિસર પ્રવીણ તિવારીએ સત્તાવાર નિવેદન આપતા જણાવ્યું કે, પોલીસ ટીમ બાતમીના આધારે ચેકિંગ કરી રહી હતી ત્યારે આ શંકાસ્પદોએ પોલીસ પર ફાયરિંગ કરીને ભાગવાનો પ્રયાસ કર્યો હતો. વળતો જવાબ આપતા પોલીસે ત્રણેયને દબોચી લીધા હતા. ઘટનાસ્થળેથી ગુનામાં વપરાયેલા હથિયારો, જીવતા કારતૂસ અને લૂંટનો મુદ્દામાલ રિકવર કરવામાં આવ્યો છે. હાલ પોલીસ આ ગેંગના અન્ય ગુનાહિત ઈતિહાસ અને નેટવર્કની ઊંડાણપૂર્વક તપાસ કરી રહી છે.
