VIDEO: 'PM મોદીએ મારી દીકરીને નવું જીવન આપ્યું': વડાપ્રધાન વિશે અપશબ્દો બોલનાર સગીરાની માતાનું ભાવુક નિવેદન
છેલ્લું અપડેટ : 02 Aug 2026
વડાપ્રધાન નરેન્દ્ર મોદી (Prime Minister Narendra Modi) વિરુદ્ધ વાંધાજનક અને અસભ્ય ટિપ્પણી કરનારી ૧૫ વર્ષની સગીર બાળકીની માતાએ પીએમ મોદીના માફી આપવાના નિર્ણય બદલ તેમનો આભાર વ્યક્ત કર્યો છે. સગીરાની માતાએ ભાવુક થઈને કહ્યું કે, વડાપ્રધાને તેમની પુત્રીને 'નવું જીવન' (New Life) આપ્યું છે અને આ માફી (Pardon) તેના માટે જન્મદિવસની સૌથી મોટી ભેટ બની રહી છે. આ સાથે જ તેમણે પોલીસ કેસ પાછો ખેંચવાની વિનંતી કરી છે.
'પીએમે બદલો લેવાને બદલે ક્ષમાનો માર્ગ પસંદ કર્યો'
સગીરાની માતાએ હાથ જોડીને પીએમ મોદીનો આભાર માનતા જણાવ્યું હતું કે, "પીએમ મોદીએ અસભ્ય ભાષાનો ઉપયોગ કરનારી બાળકીને માફ કરીને પોતાની મહાનતા દર્શાવી છે. આજે મારી દીકરીનો જન્મદિવસ છે અને પીએમ મોદીએ તેને જીવનદાન આપીને સૌથી મોટી ઉપહાર આપી છે. આજે આ બાળકીનો પુનર્જન્મ થયો છે."
ઉલ્લેખનીય છે કે, પીએમ મોદીએ તાજેતરમાં ઇન્સ્ટાગ્રામ (Instagram) પર એક વિડીયો શેર કરીને લોકોને સંયમ રાખવા અપીલ કરી હતી. જંતર-મંતર ખાતે નીટ (NEET-UG) પેપર લીક વિરુદ્ધ સીજેપી (CJP) ના નેતૃત્વમાં યોજાયેલા વિરોધ પ્રદર્શન (Protest) દરમિયાન પીએમ વિરુદ્ધ સૂત્રોચ્ચાર કરવામાં આવ્યા હતા. પીએમ મોદીએ આવી ભાષા વાપરનારાઓને 'ભટકેલા' ગણાવીને ગુસ્સા કે બદલાની ભાવોના ન રાખવાની સલાહ આપી હતી.
'મારાથી મોટી ભૂલ થઈ, દેશ મને માફ કરે' — સગીરાની જાહેર માફી
પીએમના વિડીયો બાદ સગીરાનો એક ક્ષમાયાચના વિડીયો (Apology Video) વાયરલ થયો હતો. ૧૫ વર્ષની સગીરાએ પોતાની ભૂલ સ્વીકારતા કહ્યું હતું કે, તે કનોટ પ્લેસ ફ્રેશ થવા ગઈ હતી અને ત્યાં પ્રદર્શન જોઈને અન્ય લોકોના ઉશ્કેરાટમાં આવીને પીએમ વિરુદ્ધ સૂત્રોચ્ચાર કરવા લાગી હતી. તેણે આને પોતાની 'પ્રથમ અને અંતિમ ભૂલ' ગણાવીને સમગ્ર દેશ પાસે માફી માગી હતી.
નોઇડામાં ઝીરો એફઆઈઆર અને ઉંમર અંગેનો વિવાદ
માફી માગવા છતાં ૨૩ જુલાઈના પ્રદર્શન દરમિયાન કરાયેલી ટિપ્પણી બદલ સગીરા વિરુદ્ધ નોઇડાના પોલીસ સ્ટેશનમાં ફરિયાદ નોંધાઈ હતી. નોઇડા પોલીસે ઝીરો એફઆઈઆર (Zero FIR) નોંધીને કેસ નવી દિલ્હીના સંસદ માર્ગ પોલીસ સ્ટેશનમાં ટ્રાન્સફર કર્યો છે. સગીરાની માતાનો દાવો છે કે એફઆઈઆર (FIR) માં તેમની પુત્રીની ઉંમર સગીર હોવા છતાં ખોટી રીતે ૨૫ વર્ષ દર્શાવવામાં આવી છે. તેમણે આ કેસ રદ કરવા વિનંતી કરી છે.
સગીરો માટે સોશિયલ મીડિયા પર પ્રતિબંધ મૂકવા માતાની અપીલ
સગીરાની માતાએ સરકારને અપીલ કરી છે કે ૨૦ વર્ષથી નાની ઉંમરના બાળકો માટે સોશિયલ મીડિયા (Social Media) પ્લેટફોર્મ્સ જેવાં કે ઇન્સ્ટાગ્રામ અને ફેસબુક (Facebook) પર પ્રતિબંધ મુકવો જોઈએ, જેથી બાળકો ભણતર પર ધ્યાન આપે અને કોઈ પણ રાજકીય વિરોધ પ્રદર્શનનો ભોગ ન બને.
બીજી તરફ, CJP સંસ્થાપક અભિજીત દિપકે પીએમ મોદીના વિડીયો પર સવાલ ઉઠાવતા પૂછ્યું હતું કે, "શું માત્ર રીલ (Reel) પર જ માફ કરશો કે કેસ પણ પાછો ખેંચશો?" આ સાથે જ આ મુદ્દે હવે કાનૂની અને રાજકીય ઘમાસાણ તેજ બન્યું છે.
