VIDEO : 'પીએમ હોય કે વિપક્ષ નેતા - કોઈને વિશેષાધિકાર નથી, સદન નિયમોથી ચાલે છે' : ઓમ બિરલા
છેલ્લું અપડેટ : 12 Mar 2026
લોકસભા અધ્યક્ષ ઓમ બિરલાએ ગુરુવારે પોતાના વિરુદ્ધ લાવવામાં આવેલા વિપક્ષના અવિશ્વાસ પ્રસ્તાવ પર પોતાના વિચારો રાખ્યા. તેમણે કહ્યું કે લોકસભા સદન નિયમોથી ચાલે છે અને નિયમોનું પાલન કરાવવું તેમનું કર્તવ્ય છે. તેમણે હંમેશા એ પ્રયાસ કર્યો છે કે લોકસભામાં દરેક સભ્યો નિયમોનુસાર પોતાના વિચાર રાખે. એના માટે તેમણે તમામ સભ્યોને સમય આપવાનો પ્રયાસ કર્યો છે. તેમણે એમ પણ કહ્યું કે, સદનની કાર્યવાહી નિષ્પક્ષતા, અનુશાસન, સંતુલન અને નિયમોનુસાર સંચાલિત થવું જોઈએ.
સંવૈધાનિક મર્યાદાઓ સાથે જવાબદારી નિભાવીશ
તેમણે કહ્યું કે, મેં મારા નૈતિક કર્તવ્યનું પાલન કરતા મારા વિરુદ્ધ અવિશ્વાસ પ્રસ્તાવની નોટિસ અપાયા બાદ લોકસભાની કાર્યવાહીના સંચાલનથી પોતાને અલગ કરી લીધો. સદન દ્વારા મારા પર વ્યક્ત કરવામાં આવેલા વિશ્વાસ માટે તમામનો આભાર વ્યક્ત કરું છું. આ વિશ્વાસને મારી જવાબદારી સમજતા પૂરી નિષ્ઠા, નિષ્પક્ષતા અને સંવૈધાનિક મર્યાદાઓ સાથે નિભાવીશ.
કોઈપણ વ્યક્તિ સદનથી ઉપર નથી
ઓમ બિરલાએ કહ્યું કે, કેટલાક સભ્યોનું માનવું હતું કે નેતા વિપક્ષ સદનથી ઉપર છે અને કોઈ પણ વિષય ઉપર બોલી શકે છે, પરંતુ એવો વિશેષાધિકાર કોઈને નથી, પછી તે પ્રધાનમંત્રી હોય, મંત્રી હોય, વિપક્ષ નેતા હોય કે અન્ય સદસ્ય... તમામને આ સદનમાં નિયમોનુસાર જ બોલવાનો અધિકાર છે. આ નિયમ લોકસભાએ જ બનાવ્યો છે.
