VIDEO: ‘આવો ભય અને દહેશતનો માહોલ 40 વર્ષમાં ક્યારેય નથી જોયો’: વર્તમાન પરિસ્થિતિ અંગે રાષ્ટ્રપતિ અવગત હોવાનો RJD સાંસદ મનોજ ઝાનો દાવો
છેલ્લું અપડેટ : 09 Oct 2026
દેશમાં પ્રવર્તમાન રાજકીય સ્થિતિ અને વિરોધ પ્રદર્શનો વચ્ચે રાષ્ટ્રીય જનતા દળ (RJD)ના રાજ્યસભા સાંસદ પ્રોફેસર મનોજ કુમાર ઝાએ કેન્દ્ર સરકારની કાર્યશૈલી અને દેશના વર્તમાન વાતાવરણ સામે ગંભીર ચિંતા વ્યક્ત કરી છે. તેમણે દાવો કર્યો હતો કે રાષ્ટ્રપતિ દેશની સમગ્ર વાસ્તવિક સ્થિતિથી સંપૂર્ણપણે વાકેફ છે.
મીડિયા સાથે વાતચીત કરતા મનોજ કુમાર ઝાએ જણાવ્યું હતું કે,"રાષ્ટ્રપતિ સમગ્ર પરિસ્થિતિથી સંપૂર્ણપણે વાકેફ છે. દેશમાં હાલ જે પ્રકારનો ડર અને દહેશતનો માહોલ સર્જાયો છે તે અત્યંત આઘાતજનક છે. હું છેલ્લા 40 વર્ષથી સિવિલ સોસાયટીનો હિસ્સો રહ્યો છું, પરંતુ અમે અમારા જાહેર જીવનમાં ક્યારેય આવી સ્થિતિ જોઈ નથી."
તેમણે ઉમેર્યું હતું કે લોકશાહી ઢબે અવાજ ઉઠાવનારાઓ સામે જે પ્રકારનું દબાણ અને ભયનું વાતાવરણ બનાવવામાં આવી રહ્યું છે તે લોકતાંત્રિક વ્યવસ્થા માટે અત્યંત ચિંતાજનક છે. બંધારણીય સંસ્થાઓ અને સત્તાધીશોએ આ ગંભીર પરિસ્થિતિની નોંધ લેવી જોઈએ.
