નેપાળના મેયરની દીકરી ગોવામાં ગુમ, ઓશો આશ્રમમાં ધ્યાન કરવા આવી હતી

નેપાળના ધનગઢીના મેયરની દીકરી ગોવાથી ગાયબ થઇ ગઈ છે. 36 વર્ષીય નેપાળી મહિલા આરતી હમલ ગોવા આવી હતી, અને ત્યાંથી ગુમ થઈ ગઈ છે, તેના પિતાએ આ માહિતી આપી છે. આરતી છેલ્લા કેટલાક મહિનાઓથી ગોવાના ઓશો ધ્યાનની અનુયાયી સાથે રહેતી હતી અને સોમવારે રાત્રે છેલ્લીવાર જોવા મળી હતી.

સોમવારે રાત્રે 9.30 વાગ્યાની આસપાસ અશ્વેમ બ્રિજની આસપાસ આરતી છેલ્લે જોવા મળી હતી. નેપાળી અખબાર ધ હિમાલયન ટાઈમ્સના રિપોર્ટ અનુસાર, તે છેલ્લા કેટલાક મહિનાઓથી ઓશો મેડિટેશન સેન્ટર સાથે જોડાયેલી હતી. ધનગઢી સબ-મેટ્રોપોલિટન શહેરના મેયર ગોપાલ હમલે તેમની મોટી પુત્રીને શોધવા માટે સોશિયલ મીડિયા પર મદદ લીધી હતી. ગોપાલે જણાવ્યું કે આરતીના મિત્રએ તેના ગુમ થવા અંગે પરિવારને જાણ કરી.

ગોપાલે ટ્વિટ કરી અપીલ કરી હતી કે, “મારી મોટી પુત્રી, આરતી, એક ઓશો ધ્યાની છે જે થોડા મહિનાઓથી ગોવામાં રહે છે. જો કે, મને તેના મિત્ર તરફથી સંદેશ મળ્યો છે કે આરતીનો અશ્વેમ બ્રિઝ સાથેનો સંપર્ક તૂટી ગયો છે. હું નમ્ર વિનંતી કરું છું. “

તેમણે વધુમાં ઉમેર્યું હતું કે, “મારી નાની પુત્રી આરઝૂ અને જમાઈ પણ અમારી મોટી પુત્રી આરતીને શોધવા માટે આજે રાત્રે ગોવા જઈ રહ્યા છે.” તેમણે તેમની પુત્રીના ઠેકાણા વિશે કોઈ માહિતી હોય તો સંપર્ક કરવા માટે સોશિયલ મીડિયા પર ત્રણ ફોન નંબર પણ શેર કર્યા હતા.
તેમણે X પર લખ્યું, ‘મારી પુત્રીની શોધમાં જરૂરી સહાય પૂરી પાડવા માટે 9794096014 / 8273538132 / 9389607953 પર સંપર્ક કરવા હું તમને નમ્રતાપૂર્વક વિનંતી કરું છું.’ દરમિયાન, ગુમ થયાની ફરિયાદ નોંધાયા બાદ ગોવા પોલીસે સર્ચ ઓપરેશન શરૂ કર્યું છે.