VIDEO : આગરામાં જૂતાની ફેક્ટરીમાં ભીષણ આગ, લાખોનું નુકસાન
આગરાના ગઢી ભાદોરિયા વિસ્તારમાં આજે એક જૂતાની ફેક્ટરીમાં ભીષણ આગ ફાટી નીકળવાની ઘટના સામે આવી છ
આગરાના ગઢી ભાદોરિયા વિસ્તારમાં આજે એક જૂતાની ફેક્ટરીમાં ભીષણ આગ ફાટી નીકળવાની ઘટના સામે આવી છે. ફેક્ટરીમાં રાખવામાં આવેલા કાચા માલ અને તૈયાર જૂતાના જથ્થાને કારણે આગે વિકરાળ સ્વરૂપ ધારણ કર્યું હતું, જેને કારણે આસપાસના વિસ્તારમાં ભારે અફરાતફરી મચી ગઈ હતી. ઘટનાની જાણ થતાં જ ફાયર બ્રિગેડની અનેક ગાડીઓ તાત્કાલિક સ્થળ પર પહોંચી ગઈ હતી અને આગને કાબૂમાં લેવા માટે જહેમત ઉઠાવી હતી. પ્રાથમિક માહિતી મુજબ, શોર્ટ સર્કિટને કારણે આ આગ લાગી હોવાનું અનુમાન છે. સદનસીબે, આ દુર્ઘટનામાં કોઈ જાનહાનિ થયાના સમાચાર નથી, પરંતુ ફેક્ટરીમાં રાખવામાં આવેલી લાખોની કિંમતની મશીનરી અને સામાન બળીને ખાખ થઈ ગયો છે. હાલમાં ફાયર વિભાગ દ્વારા આગને સંપૂર્ણપણે ઓલવવા માટે 'કૂલિંગ ઓપરેશન' હાથ ધરવામાં આવ્યું છે.
