Maharashtra news BMCમાં મહિલા નેતા બનશે મેયર, ઉદ્ધવના જૂથે લોટરીના પરિણામો અંગે મચાવ્યો હોબાળો

મહારાષ્ટ્રની 29 બેઠકો માટે મેયર પદની લોટરી સિસ્ટમ મુંબઈ મ્યુનિસિપલ કોર્પોરેશન સહિત 29 મ્યુનિસિપલ કોર્પોરેશનો માટે અનામત જાહેર કરવામાં આવી છે. કલ્યાણ ડોમ્બિવલી, બીએમસી અને લાતુરમાં મોટો 'ટ્વિસ્ટ આવ્યો છે. મહારાષ્ટ્રમાં 29 મ્યુનિસિપલ કોર્પોરેશનોની ચૂંટણીના પરિણામો જાહેર થઈ ચૂક્યા છે. હવે 29 મેયરોની પસંદગીનો સમય આવી ગયો છે, અને અનામત યાદી જાહેર કરવામાં આવી છે. શહેરી વિકાસ રાજ્યમંત્રી માધુરી મિસાલની હાજરીમાં મેયર પદો માટેના અનામતની જાહેરાત કરવામાં આવી હતી.

 તમામ 29 બેઠકોનું આરક્ષણ જુઓ

1. બૃહન્મુંબઈ (BMC) – સામાન્ય શ્રેણી
2. થાણે - અનુસૂચિત જાતિ (SC)
3. કલ્યાણ-ડોમ્બિવલી – અનુસૂચિત જનજાતિ (ST) પુરૂષ
4. નવી મુંબઈ – સામાન્ય શ્રેણી
5. વસઈ-વિરાર – સામાન્ય શ્રેણી
6. ભિવંડી-નિઝામપુર – સામાન્ય શ્રેણીની સ્ત્રી
7. મીરા-ભાઈંદર – સામાન્ય શ્રેણી
8. ઉલ્હાસનગર – OBC સ્ત્રી અથવા પુરુષ
9. પુણે – સામાન્ય શ્રેણી
10. પિંપરી-ચિંચવડ – સામાન્ય શ્રેણીની સ્ત્રી
11. નાગપુર - સામાન્ય શ્રેણી
12. અહિલ્યાનગર – OBC સ્ત્રી
13. નાસિક – સામાન્ય શ્રેણી
14. છત્રપતિ સંભાજી નગર – સામાન્ય શ્રેણી
15. અકોલા – OBC સ્ત્રી
16. અમરાવતી - સામાન્ય શ્રેણી
17. લાતુર – અનુસૂચિત જાતિ (SC) સ્ત્રી
18. નાંદેડ-વાઘાલા – સામાન્ય શ્રેણી
19. ચંદ્રપુર – OBC સ્ત્રી
20. ધુલે – સામાન્ય શ્રેણી
21. જલગાંવ – OBC મહિલા
22. માલેગાંવ – સામાન્ય શ્રેણી
23. કોલ્હાપુર – OBC મહિલા અથવા પુરુષ
24. સાંગલી-મિરાજ-કુપવાડ – સામાન્ય શ્રેણી
25. સોલાપુર – સામાન્ય શ્રેણી
26. ઇચલકરંજી – OBC મહિલા અથવા પુરુષ
27. જાલના – અનુસૂચિત જાતિ (SC) મહિલા
28. પનવેલ – OBC મહિલા અથવા પુરુષ
29. પરભણી – સામાન્ય શ્રેણી

બીએમસી મેયર પદ લોટરી સિસ્ટમ દ્વારા મહિલાઓને ફાળવવામાં આવ્યું

મળતા અહેવાલ પ્રમઆમે  શિવસેના-યુબીટીએ મુંબઈ અનામત લોટરી સામે વાંધો ઉઠાવ્યો છે. ઠાકરેના નેતૃત્વ હેઠળના પક્ષે પ્રશ્ન ઉઠાવ્યો હતો કે મુંબઈને ઓબીસી અનામત ડ્રોમાં કેમ બાકાત રાખવામાં આવ્યું. આ ઉપરાંત, પુણે, ધુળે, બીએમસી, નાંદેડ, નવી મુંબઈ, માલેગાંવ, મીરા ભાઈંદર, નાસિક અને નાગપુરમાં મેયર પદની બેઠકો મહિલાઓ માટે અનામત રાખવામાં આવી છે.

૨૨૭ સભ્યોની મુંબઈ મ્યુનિસિપલ કોર્પોરેશનમાં ભાજપે સૌથી વધુ ૮૯ કાઉન્સિલરો જીત્યા. ભાજપ અને એકનાથ શિંદેની શિવસેનાએ મહાગઠબંધન બનાવીને ચૂંટણી લડી હતી. શિંદેની શિવસેનાના ૨૯ કાઉન્સિલરો જીત્યા હતા. મહાગઠબંધનમાં કુલ ૧૧૮ કાઉન્સિલરો છે. તેથી, એ સ્પષ્ટ છે કે તેનો ઉમેદવાર મેયર બનશે.