VIDEO: 2થી 8 ઓક્ટોબર ‘સેવ ડેમોક્રેસી માર્ચ’ યોજવાની ખડગેની જાહેરાત
છેલ્લું અપડેટ : 01 Oct 2026
સોર્સ : gstv
ઈન્ડિયા બ્લોકની નવી દિલ્હીમાં યોજાયેલી સમન્વય બેઠક બાદ વિપક્ષી પક્ષોએ ચૂંટણી પંચ અને મતદાર યાદી સાથે જોડાયેલા મુદ્દે દેશવ્યાપી વિરોધ કાર્યક્રમનું એલાન કર્યું છે. કોંગ્રેસ અધ્યક્ષ મલ્લિકાર્જુન ખડગેએ જણાવ્યું કે 2થી 8 ઓક્ટોબર દરમિયાન જિલ્લા સ્તરે ‘સેવ ડેમોક્રેસી માર્ચ’ યોજાશે અને 6 ઓક્ટોબરે વિપક્ષી સાંસદો ચૂંટણી પંચ સુધી માર્ચ કરશે. વિપક્ષી નેતાઓ ઓક્ટોબરના બીજા સપ્તાહમાં રાષ્ટ્રપતિ દ્રૌપદી મુર્મુ સાથે મુલાકાત માટે સમય માંગશે અને સંસ્થાઓ તથા મતદાર યાદી સંબંધિત મુદ્દે રજૂઆત કરશે. ઓક્ટોબર અને નવેમ્બરમાં પાંચ મોટી રેલીઓ યોજવાની પણ જાહેરાત કરવામાં આવી છે, જેમાં 1 નવેમ્બરે દિલ્હીમાં મોટી રેલીનું આયોજન કરવાની યોજના છે. બેઠકમાં રાહુલ ગાંધી સહિતના નેતાઓએ ‘વોટ ચોરી’ના આક્ષેપો ઉઠાવ્યા, જ્યારે ચૂંટણી પંચે તેની પ્રક્રિયા અંગેના આક્ષેપોને નકારી કાઢ્યા છે.
