VIDEO: 'પધારો મ્હારે દેશ' રાજસ્થાની ગીત ગાઈને જાપાની મહિલાઓએ PM MODIનું જીતી લીધું દિલ

ભારતના પ્રધાનમંત્રી નરેન્દ્ર મોદી જાપાન પહોંચી ચૂક્યા છે. 29 ઓગસ્ટ 2025 ના રોજ જ્યારે પીએમ મોદી જાપાન પહોંચ્યા ત્યારે તેમનું સ્વાગત 'પધારો મ્હારે દેશ' ભજન સાથે કરવામાં આવ્યું હતું. પીએમ મોદી જાપાનના પ્રધાનમંત્રી શિગેરુ ઇશિબાના આમંત્રણ પર અહીં 15મા વાર્ષિક શિખર સંમેલનમાં હાજરી આપી રહ્યા છે. પીએમ મોદી જાપાન પહોંચતા તેમનું દેશી શૈલીમાં ભવ્ય સ્વાગત કરવામાં આવ્યું હતું. 

ભારતીય ઇમિગ્રન્ટ્સ અને જાપાની નાગરિકોએ 'ભારત માતા કી જય' અને 'મોદી-મોદી' ના નારા લગાવીને ઉત્સાહ દર્શાવ્યો હતો. આ પછી, જાપાની મહિલાએ પીએમ મોદી સાથે હિન્દીમાં વાત કરી. પીએમ મોદીએ તેમને પૂછ્યું કે, શું તેઓ હિન્દી જાણે છે, તો જવાબ હતો કે હા, હું પાંચ વર્ષથી તે શીખી રહી છું. આ પછી, પીએમ મોદીએ તેમને ભજન ગાવાનું કહ્યું. પીએમના વિનંતી પર તેમણે ભજન ગાયું. આ પછી, પીએમ મોદીએ વાહ કહીને તાલી વગાડી તેમની પ્રશંસા કરી.

રાજસ્થાની લોકગીત સાથે પીએમ નરેન્દ્ર મોદીનું સ્વાગત કરનાર એક જાપાની નાગરિક કહે છે, "મારું નામ રાજસ્થાની મધુ છે. મેં તેમનું હિન્દીમાં સ્વાગત કર્યું અને પછી તેમણે મને પૂછ્યું કે શું હું ગાઈ શકું છું. મેં હા પાડી, અને મેં તેમના માટે ભજન ગાયું..."

 પોતાની જાપાન મુલાકાત અંગે, પ્રધાનમંત્રી મોદીએ કહ્યું છે કે જાપાન મુલાકાતનો મુખ્ય ઉદ્દેશ્ય ભારત-જાપાનની ખાસ વ્યૂહાત્મક અને વૈશ્વિક ભાગીદારીને નવા પરિમાણો આપવાનો છે. તેમણે કહ્યું કે છેલ્લા 11 વર્ષોમાં બંને દેશો વચ્ચેના સંબંધો વધુ મજબૂત બન્યા છે અને હવે આર્થિક, રોકાણ અને કૃત્રિમ બુદ્ધિ (AI) અને સેમિકન્ડક્ટર સહયોગ જેવી નવી તકનીકો પર ધ્યાન કેન્દ્રિત રહેશે.