VIDEO: પંચકુલામાં ભારે વરસાદ વચ્ચે બરસાતી નાળામાં તણાયા બે યુવકો

હરિયાણાના પંચકુલામાં ભારે વરસાદ દરમિયાન એક મોટી દુર્ઘટના ઘટી હતી, જેમાં બે યુવકો ઝડપથી વહેતા બરસાતી નાળાના પાણીમાં તણાઈ ગયા હતા. ઘટનાની જાણ થતાં જ પંચકુલા પોલીસ અને રાહત ટીમ ઘટનાસ્થળે પહોંચી ગઈ હતી. તાત્કાલિક હાથ ધરવામાં આવેલા રેસ્ક્યૂ ઓપરેશન દરમિયાન એક યુવકને સુરક્ષિત રીતે બહાર કાઢી લેવામાં સફળતા મળી છે, જ્યારે બીજા યુવકની શોધખોળ હજુ પણ ચાલુ છે. સેક્ટર 16 પોલીસ ચોકીના પ્રભારી સિંહ રાજે બચાવ કામગીરી અંગે માહિતી આપતા જણાવ્યું કે ભારે પ્રવાહને કારણે રેસ્ક્યૂમાં મુશ્કેલી પડી રહી છે, પરંતુ પોલીસ અને ડિઝાસ્ટર મેનેજમેન્ટની ટીમો ગુમ થયેલા યુવકને શોધવા માટે સતત પ્રયાસો કરી રહી છે. પોલીસે સ્થાનિક લોકોને વરસાદ દરમિયાન આવા જોખમી નાળા અને પાણીના પ્રવાહથી દૂર રહેવાની કડક અપીલ કરી છે.