ઉમર બેટા! ઝેર આપ્યું છે, હવે નહીં બચી શકું, જેલમાંથી મુખ્તારે પુત્રને આપવીતિ બતાવ્યાનો દાવો

મુખ્તાર અંસારીના મૃત્યુ બાદ હવે તેનો એક ઓડિયો સોશિયલ મીડિયા પર વાયરલ થઈ રહ્યો છે. આ ઓડિયોમાં મુખ્તાર અંસારી તેના નાના પુત્ર ઓમર અંસારી સાથે વાત કરી રહ્યો છે. દાવો કરવામાં આવી રહ્યો છે કે આ ઓડિયો ગઈ કાલ સવારનો છે. એટલે કે મુખ્તાર અંસારીના મૃત્યુના થોડા કલાકો પહેલા જ પિતા-પુત્ર વચ્ચે ફોન પર વાતચીત થઈ હતી. ઓડિયોમાં મુખ્તાર અંસારી તેની હાલત બતાવી રહ્યો છે અને તેનો પુત્ર ઉમર તેને સાંત્વના આપી રહ્યો છે. મુખ્તાર અંસારી કહી રહ્યો છે કે ઝેર આપવામાં આવ્યું છે. હવે હું બચીશ નહિ. તેના પર ઉમર કહે છે ચિંતા ન કરો. અમે કોર્ટમાં અરજી કરી છે. તમારે પણ આ વાતો જજને હાજર થવાના સમયે વારંવાર કહેવી જોઈએ.

ઓમર અંસારી કહે, 'પાપા, તમે નબળા પડી ગયા છો. તમે બહુ જલ્દી સ્વસ્થ થઈ જશો. જો મને પરવાનગી મળશે તો હું કાલે તમને મળવા આવીશ. તમારે હિંમત રાખીને ફોન કરવો જોઈએ. અમે સમજી રહ્યા છીએ પાપા, પણ અલ્લાહ ઘણો મોટો છે. તમે ઠીક થઈ જશો. ઉમર કહે છે કે, પપ્પા તમારો અવાજ સાંભળીને મને હિંમત આવી છે. બસ આ રીતે રાત્રે મને ફોન કરજો.