VIDEO: સિહી ગામમાં બોરવેલમાંથી બાળકી ઉગારી

હરિયાણાના ફરીદાબાદ સ્થિત સિહી ગામમાં એક નાની બાળકી રમતા રમતા અચાનક ખુલ્લા બોરવેલમાં ખાબકી હતી. આ બનાવની જાણ થતાં જ સ્થાનિક પ્રશાસન, પોલીસ અને બચાવ ટુકડીઓ તુરંત ઘટનાસ્થળે દોડી આવી હતી અને યુદ્ધના ધોરણે રેસ્ક્યૂ ઓપરેશન શરૂ કર્યું હતું. બોરવેલમાં ઓક્સિજન પહોંચાડીને બચાવ ટીમે ભારે જહમત બાદ બાળકીને સુરક્ષિત બહાર કાઢી લીધી હતી. બહાર કાઢ્યા બાદ તુરંત જ તેને તબીબી તપાસ અને સારવાર અર્થે નજીકની હોસ્પિટલમાં ખસેડવામાં આવી હતી. બાળકીનો સશરીર ઉગારો થતાં તેના પરિવારે તથા ગ્રામજનોએ રાહતનો શ્વાસ લીધો હતો અને બચાવ ટીમની કામગીરીની પ્રશંસા કરી હતી.