VIDEO : ડિજિટલ બનશે જમીનના નકશા, રામેશ્વરમમાં વન વિભાગ જમીન વિવાદો ઉકેલવા DGPS ટેકનોલોજીનો આશરો

તામિલનાડુના રામેશ્વરમ ખાતે જમીન માપણીની પ્રક્રિયાને વધુ સચોટ બનાવવા માટે અત્યાધુનિક ડિફરન્શિયલ ગ્લોબલ પોઝિશનિંગ સિસ્ટમ નો ઉપયોગ કરવામાં આવી રહ્યો છે. આ ટેકનોલોજીની ખાસિયત એ છે કે તે ગીચ જંગલો અને દુર્ગમ વિસ્તારોમાં પણ જમીનનું ચોકસાઈપૂર્વક લોકેશન અને માપ મેળવવામાં સક્ષમ છે. સર્વેયર અત્યાધુનિક ઉપકરણો દ્વારા જંગલની વચ્ચે સીમાઓનું નિર્ધારણ કરી રહ્યા છે. પરંપરાગત પદ્ધતિઓમાં જ્યાં વર્ષો લાગતા હતા અને ભૂલની શક્યતા રહેતી હતી, ત્યાં DGPS દ્વારા મિલિમીટર સુધીની સચોટતા મળે છે. જમીન વિવાદો ઉકેલવા અને વન વિભાગની જમીનનું સીમાંકન કરવા માટે આ ટેકનોલોજી આશીર્વાદરૂપ સાબિત થઈ રહી છે. આ આધુનિક ડેટા દ્વારા જમીનનો ડિજિટલ નકશો તૈયાર કરવામાં આવશે, જે ભવિષ્યમાં વહીવટી પારદર્શિતા વધારશે.