બિહાર અને નેપાળમાં ઘણી જગ્યાએ ભૂકંપના આંચકા, પાકિસ્તાનમાં પણ ધરા ધ્રુજી

બિહાર અને નેપાળમાં ઘણી જગ્યાએ ભૂકંપના આંચકા અનુભવાયા હતા. સવારે 2:36 વાગ્યે આવેલા આ ભૂકંપની તીવ્રતા 5.5 હતી. આ ઉપરાંત પાકિસ્તાનમાં પણ ધરતી હચમચી ગઈ છે. ત્યાં તેની તીવ્રતા 4.5 માપવામાં આવી હતી. હાલમાં ત્રણેય સ્થળોએ કોઈ નુકસાનના સમાચાર નથી. ગયા મહિને પણ બિહારથી નેપાળ સુધી ભૂકંપના આંચકા અનુભવાયા હતા. તેની તીવ્રતા 7.1 માપવામાં આવી હતી.

આ પણ વાંચો :

ગુજરાત: મધરાત્રે કચ્છમાં આવ્યો ભૂંકપ, જાણો કેટલી હતી તીવ્રતા?

નેપાળ, બિહારમાં ભૂંકપના આંચકા

ભૂકંપ નેપાળના લોબુચેથી ૮૪ કિમી ઉત્તર-ઉત્તરપશ્ચિમમાં ૧૦ કિમી ઊંડાઈ સાથે આવ્યો હતો. નેપાળમાં ભૂકંપ સામાન્ય છે. નેપાળ વિશ્વના તે ખતરનાક ક્ષેત્રમાં છે, જેને સૌથી સક્રિય ટેક્ટોનિક ઝોન કહેવામાં આવે છે. નેપાળમાં ભૂકંપની પ્રવૃત્તિ ઘણી વખત નોંધાઈ છે. આ જ કારણ છે કે આ વિસ્તાર ભૂકંપ જેવી કુદરતી આફતો માટે સૌથી વધુ સંવેદનશીલ છે. નેપાળમાં પરિસ્થિતિ વધુ વણસી જાય ત્યારે સમયાંતરે ચેતવણીઓ જારી કરવામાં આવે છે અને ઘણા અહેવાલોમાં તેને જોખમી ક્ષેત્ર તરીકે વર્ણવવામાં આવ્યું છે.

ગયા વર્ષે નેપાળમાં ભૂકંપે ભારે તબાહી મચાવી હતી

ગયા વર્ષે નવેમ્બરમાં નેપાળમાં આવેલા ભૂકંપમાં ભારે વિનાશ થયો હતો. ૬.૪ ની તીવ્રતાના આ ભૂકંપથી જાનમાલનું ભારે નુકસાન થયું હતું. ભૂકંપને કારણે ૧૫૭ લોકો માર્યા ગયા હતા અને હજારો લોકો ઘાયલ થયા હતા. ૮ હજારથી વધુ ઘરોનો નાશ થયો.

પાકિસ્તાનમાં 4.5 ની તીવ્રતાનો ભૂકંપ આવ્યો

પાકિસ્તાનમાં પણ ભૂકંપના આંચકા અનુભવાયા હતા. સવારે ૫:૧૪ વાગ્યે આવેલા આ ભૂકંપની તીવ્રતા ૪.૫ હતી. અહીં પણ કોઈ જાનમાલના નુકસાનના સમાચાર નથી.