VIDEO: જાલનામાં દુકાળ જાહેર કરી પાક નુકસાનીનું વળતર આપવાની માગ

જાલના જિલ્લામાં પાકની સ્થિતિ નાજુક હોવાનો દાવો કરી સ્વાભિમાની શેતકરી સંગઠન દ્વારા દુકાળ જાહેર કરવાની માગ કરવામાં આવી છે. સપ્ટેમ્બર મહિનામાં ઓછા વરસાદને કારણે ખેડૂતોના પાકને નુકસાન થવાની આશંકા વ્યક્ત કરવામાં આવી છે. સંગઠનના જિલ્લા પ્રમુખ સુરેશ કાળેએ ખેડૂતોને પાક નુકસાનીનું યોગ્ય વળતર આપવાની પણ માગ કરી છે. તેમણે સરકારને વહેલી તકે દુકાળ જાહેર કરી ખેડૂતોને રાહત આપવાની અપીલ કરી છે. મહારાષ્ટ્રમાં હાલ પાકની સ્થિતિ અત્યંત નાજુક હોવાનો દાવો કરવામાં આવ્યો છે. સપ્ટેમ્બર મહિનામાં સરેરાશ કરતાં ઓછો વરસાદ થતાં ખેડૂતોના હાથમાં આવેલો પાક પણ બગડવાની શક્યતા વ્યક્ત કરવામાં આવી છે. પ્રતિનિધિઓ દ્વારા વિવિધ વિસ્તારોની મુલાકાત લઈ ખેડૂતોની મુશ્કેલીઓનો તાગ મેળવવામાં આવ્યો છે. 

આ પણ વાંચો :

દાવો: ભારતના આ એક નિર્ણયથી પાકિસ્તાનમાં પડી શકે છે દુકાળ, પાડોશી રાજ્ય પર મોસમી પાણીની અછતનું ગંભીર જોખમ

હિમાલયમાં શિયાળામાં જ 'બરફનો દુકાળ', આ સ્થિતિથી સર્જાઈ શકે છે ગંભીર જળસંકટ