VIDEO: મૈનપુરીમાં શ્રાવણના પ્રથમ સોમવારે શિવ મંદિરોમાં ભક્તોએ કર્યો જળાભિષેક
છેલ્લું અપડેટ : 03 Aug 2026
સોર્સ : gstv
ઉત્તર પ્રદેશના મૈનપુરી જિલ્લામાં પવિત્ર શ્રાવણ માસના પ્રથમ સોમવારે શિવ મંદિરોમાં ભક્તિમય અને ઉત્સાહસભર માહોલ જોવા મળ્યો હતો. વહેલી સવારથી જ શિવાલયોમાં 'હર હર મહાદેવ' અને 'જય ભોલેનાથ'ના નાદ સાથે ભક્તોની ભારે ભીડ ઉમટી પડી હતી. શ્રદ્ધાળુઓએ શિવલિંગ પર જળાભિષેક, દુગ્ધાભિષેક કરીને બેલપત્ર, પુષ્પો અને ફળ અર્પણ કરી દેવાધિદેવ મહાદેવની પૂજા-અર્ચના કરી આશીર્વાદ મેળવ્યા હતા. કાવડયાઓ અને સ્થાનિક ભક્તોની મોટી સંખ્યાને ધ્યાનમાં રાખીને પ્રમુખ શિવ મંદિરો પર સુરક્ષાની સઘન વ્યવસ્થા ગોઠવવામાં આવી હતી. પોલીસ અને પ્રશાસન દ્વારા ભીડ નિયંત્રણ અને કાયદો-વ્યવસ્થા જાળવવા માટે ચુસ્ત બંદોબસ્ત તૈનાત કરાયો હતો. ભક્તોએ શાંતિપૂર્ણ રીતે દર્શન કરી શકે તે માટે મંદિર સમિતિઓ દ્વારા પણ વિશેષ વ્યવસ્થા કરવામાં આવી હતી. આખા વિસ્તારમાં શ્રદ્ધા અને ભક્તિનો પાવન માહોલ છવાઈ ગયો હતો.
