VIDEO: શ્રીલંકામાં ફસાયેલા માછીમારોની વાપસી માંગ
છેલ્લું અપડેટ : 06 Aug 2026
સોર્સ : gstv
તમિલનાડુના રામેશ્વરમના માછીમારોએ શ્રીલંકાના નેડુંથીવુ વિસ્તારમાં ફસાયેલા 11 માછીમારો અને એક બોટને પરત લાવવાની માંગ કરી છે. માછીમારોની બોટમાં ટેક્નિકલ ખામી સર્જાતા તે દરિયામાં તૂટી પડી હતી અને બાદમાં શ્રીલંકાના વિસ્તારમાં પહોંચી ગઈ હતી. ઘટનાની જાણ થતાં સ્થાનિક માછીમાર સંગઠનો દ્વારા સરકાર પાસે તાત્કાલિક હસ્તક્ષેપની માંગ કરવામાં આવી છે. માછીમારોએ જણાવ્યું કે તેમના સાથીઓને સુરક્ષિત રીતે ભારત પરત લાવવામાં આવે અને બોટ પણ છોડાવવામાં આવે. આ મામલે અધિકારીઓ દ્વારા જરૂરી કાર્યવાહી કરવામાં આવી રહી છે. માછીમારોના પરિવારો ચિંતામાં છે અને વહેલી મદદની રાહ જોઈ રહ્યા છે.
