VIDEO: દહેરાદૂનમાં ભરબપોરે રાત્રિ જેવો માહોલ, કાળાડિબાંગ વાદળો છવાતા ધોળા દિવસે અંધારપટ
છેલ્લું અપડેટ : 03 May 2026
સોર્સ : GSTV
ઉત્તરાખંડની રાજધાની દહેરાદૂનમાં આજે કુદરતનો અનોખો અને રૌદ્ર મિજાજ જોવા મળ્યો હતો. શહેર પર ભારે કાળા વાદળો છવાઈ જતાં ભરબપોરે રાત્રિ જેવો માહોલ સર્જાયો હતો. આકાશ એટલું ઘેરાયેલું હતું કે ધોળા દિવસે અંધારપટ છવાઈ જતાં વાહનચાલકોને હેડલાઇટ્સ ચાલુ કરવાની ફરજ પડી હતી. શહેરનું આકાશ સંપૂર્ણપણે કાળું દેખાઈ રહ્યું છે, જે દ્રશ્ય ભયાનક છતાં અદભૂત છે. હવામાન વિભાગે આગામી કલાકોમાં ભારે વરસાદ અને ગાજવીજની આગાહી કરી છે. પહાડી વિસ્તારોમાં બદલાતા હવામાનને કારણે તાપમાનમાં પણ ધરખમ ઘટાડો નોંધાયો છે. સ્થાનિક રહેવાસીઓ અને પ્રવાસીઓને સાવચેત રહેવા સૂચના આપવામાં આવી છે, કારણ કે આ કુદરતી ઘટના બાદ ભારે મેઘમહેર થવાની સંભાવના છે.
